Tags Posts tagged with "Texas"

Texas

0 679

షడ్రుచుల సమ్మేళనంతో కొత్త సంవత్సరం అంతా ఆనందంగా ఉండాలని ప్రతి  తెలుగు వారు కోరుకుంటారు. మరి డాలస్ ఫోర్ట్ వర్త్ చుట్టుపక్కల నివసించే తెలుగు బంధువుల ఆనందం కోసం 31 సంవత్సరాల నుంచి పలు కార్యక్రమాలు అందించే ఉత్తర  టెక్సాస్ తెలుగు సంఘం (టాంటెక్స్) వారు,   ఈ సంవత్సరo శ్రీ హేవళంబి నామ ఉగాది ఉత్సవాలు మరింత శోభాయమానంగా తీర్చిదిద్ది,  స్థానిక మెక్ఆర్థర్  హై స్కూల్ లో  అత్యద్భుతంగా నిర్వహించారు.సంస్థ అధ్యక్షులు శ్రీ ఉప్పలపాటి కృష్ణారెడ్డి, కార్యక్రమ సమన్వయకర్త శ్రీమతి పాలేటి లక్ష్మి ఆధ్వర్యంలో మరియు సాంస్కృతిక కార్యక్రమాల సమన్వయకర్త శ్రీమతి తోట పద్మశ్రీ పర్యవేక్షణలో ఈ ఉగాది ఉత్సవాలలో ఏర్పాటు చేసిన విభిన్న కార్యక్రమాలు ప్రేక్షకులను ఆనంద పారవశ్యంతో ఓలలాడించాయి.

ఉగాది పచ్చడి, ఘుమఘుమలాడే పసందైన భోజనాన్ని స్థానిక బావర్చి రెస్టారెంట్ వారు అందించి అందరిని సంతృప్తి పరిచారు. ఈ ఉగాది ఉత్సవాలకు సుమారు 1100 మందికి పైగా  తెలుగువారు హాజరు కాగా సుమారు 250 మంది పిల్లలు మరియు పెద్దలు సాంస్కృతిక కార్యక్రమాలలో పాల్గొని సందడి చేసారు.

అమెరికా జాతీయ గీతంతో కార్యక్రమం ప్రారంభమై, ‘ఏకదంతాయ వక్రతుండాయ” అంటూ ఫ్యూజన్ నృత్యంతో  సాగి, వివిధ సంప్రదాయక నృత్యాలతో కార్యక్రమాలు  సంస్కృతి సంప్రదాయాలకు పెద్ద పీట వేస్తూ కొనసాగాయి. భారత దేశం నుంచి ప్రత్యేకంగా విచ్చేసిన కోమలి సోదరీమణులు  కార్యక్రమానికి వ్యాఖ్యాతలుగా వ్యవహరిస్తూ, చక్కటి మాటలతో , మిమిక్రీ ప్రదర్శనలతో ప్రేక్షకులందరిని ఎంతో ఆనందపరిచారు.  సంప్రదాయమైన నృత్యాలతో పాటు, సినిమా పాటల సమాహారం వంటి చక్కని డాన్సు మెడ్లీ లు, జానపద గీతాలు,  స్థానిక కళాకారుల అద్వితీయ ప్రతిభతో ఎంతో ఆకట్టు కొన్నాయి. “రామాయణం” నృత్య రూపకం ప్రత్యేక ఆకర్షణగా నిలిచి ప్రేక్షకుల మనసును దోచుకున్నది.  ఉగాది సందర్భంగా శ్రీ కంటంరాజు సాయికృష్ణ గారు పంచాంగ శ్రవణం గావించారు .

_SAM8741-L _SAM8875-L _SAM8935-L _SAM8961-L _SAM9048-L

ఇదంతా ఒక ఎత్తయితే, భారత దేశం నుండి ప్రత్యేకంగా విచ్చేసిన మెజీషియన్ వసంత్ తన ప్రతిభావంతమైన ప్రదర్శనలతో విచ్చేసిన వారందరిని ఆకట్టుకున్నారు.  ‘పాడుతా తీయగా’ ద్వారా సుపరిచతమైన యువ గాయకుడు శ్రీ కూరపాటి సందీప్ ఉత్సాహం నింపుతూ పాడిన పాటలు ప్రేక్షకులను పరవశింపచేసాయి.

కార్యక్రమంలో సంస్థ అధ్యక్షులు శ్రీ ఉప్పలపాటి కృష్ణారెడ్డి ఉగాది శుభాకాంక్షలతో విచ్చేసిన వారందిని ఉద్దేశిస్తూ తన సందేశంలో ఈ సంవత్సరం చేయబోతున్న కార్యక్రమాల వివరణతో పాటు, సుమారు దశాబ్దం పైన డాలస్ లో వున్న తెలుగు వారందరికీ సుపరిచితమైన గాన సుధ – మన టాంటెక్స్ రేడియో” ఫన్ ఏషియా 1110 AM లో పునః ప్రారంభమైన రేడియో ప్రసారo, సభ్యులకు ఉచిత చలనచిత్ర ప్రదర్శన విషయాలు తెలిపారు. మన తెలుగు వారి సంస్కృతి సంప్రదాయాలకు పెద్ద పీట వేస్తూ, సంగీత, లలిత కళల ప్రాధాన్యంతో “తెలుగు వైభవం” అనే ప్రత్యేక కార్యక్రమం కోసం సన్నాహాలు జరుగుతున్నవని తెలిపారు.

ఉగాదిని పురస్కరించుకొని టాంటెక్స్ 2017ఉగాది పురస్కారాల’ను ఈ సంవత్సరం వైద్య , తెలుగు భాషాభివృద్ది, విద్యా రంగాలలో విశేష సేవలందించిన వ్యక్తులకు ప్రకటించారు. వైద్యరంగంలో డా.గునుకుల శ్రీనివాస్ గారికి, తెలుగు భాషాభివృద్ది రంగంలో శ్రీ  కే.సి. చేకూరి గారికి , విద్యా రంగంలో  డా. పుప్పాల ఆనంద్ గారికి  ఈ పురస్కారాలను అందచేశారు. అదే విధంగా సంస్థ వివిధ కార్యక్రమాలలో ఎనలేని సేవలను అందిస్తున్న  శ్రీ దివాకర్ల మల్లిక్, డా. కలవగుంట సుధ, కుమారి మార్పాక పరిమళ, కుమారి తుమ్మల జస్మిత, శ్రీ నిడిగంటి ఉదయ్ లను  ‘ఉత్తమ స్వచ్ఛంద సేవకుడు (బెస్ట్ వాలంటీర్) పురస్కారంతో సత్కరించారు. అలాగే కార్యక్రమానికి విచ్చేసిన అతిధి కళాకారులైన మెజీషియన్ వసంత్, గాయకుడు కూరపాటి సందీప్, కోమలి సోదరీమణులను టాంటెక్స్ కార్యవర్గ బృందం జ్ఞాపికలతో సత్కరించారు. సంస్థ రేడియో కార్యక్రమాలకు 2016 సంవత్సరంలో వ్యాఖ్యాతలగా స్వచ్ఛందoగా సేవలందించిన కార్యకర్తలను జ్ఞాపికలతో గుర్తించడం జరిగినది.

ఈ ఉగాది కార్యక్రమ ప్రెజెంటింగ్ పోషకులు NSI సంస్థకు,  శ్రీ రాం కొనార గారికి, శ్రీ  పోలవరపు శ్రీకాంత్ గారికి మరియు కార్యక్రమ పోషకులైన రిచ్మండ్ హిల్ మోంటెస్సోరి సంస్థకు, ప్రాడిజీ టెక్నాలజీస్ సంస్థకు, శ్రీ వీర్నపు చినసత్యం గారికి జ్ఞాపికలు ప్రధానం చేసి టాంటెక్స్ సంస్థ తమ కృతఙ్ఞతలు తెలియచేసారు.

_SAM9123-L _SAM9245-L _SAM9293-L _SAM9302-L _SAM9382-L

వందన సమర్పణ గావిస్తూ, కార్యక్రమ సమన్వయకర్త  శ్రీమతి పాలేటి లక్ష్మి, డైమండ్, ప్లాటినం, గోల్డ్, సిల్వర్, ప్రెజెంటింగ్ మరియు ఈవెంట్  పోషక దాతలకి, ప్రత్యేక ప్రసారమాధ్యమాలైన  ఫన్ ఏషియా వారికి మరియు ప్రసారమాధ్యమాలైన టోరి, TNI, TV5, TV9,  ఏక్ నజర్ లకు  కృతఙ్ఞతలు తెలియచేసారు.

ఎంతో కృషి, సమయం వెచ్చించిన టాంటెక్స్ కార్యవర్గ సభ్యులకు మరియు వివిధ కమిటీ సభ్యులకు, స్వచ్ఛంద కార్యకర్తలకు ప్రత్యేక అభినందనలు తెలిపారు. భారతీయ జాతీయ గీతం ఆలపించడంతో, విచ్చేసిన వారందరినీ ఎంతో ఆహ్లాదపరచిన ఈ కార్యక్రమానికి తెర పడినది.

 

ఉగాది ఉత్సవాల కార్యక్రమంలోని ఛాయాచిత్రాలను ఈ క్రింద పొందుపరచిన లంకెలో చూడవచ్చును.

https://tantex.smugmug.com/2017-Events/Ugaadi-Utsavaalu-2017/

0 591

మార్చి 19, 2017, డాలస్, టెక్సస్
ఉత్తర టెక్సస్ తెలుగు సంఘం (TANTEX) సాహిత్య వేదిక ఆధ్వర్యంలో “116వ  నెలనెలా తెలుగు వెన్నెల” మరియు 38వ టెక్సస్ తెలుగు సాహిత్య సదస్సు శనివారం మార్చి 19వ తేదీన దేశీప్లాజా టీవీ స్టూడియోలో సాహిత్యవేదిక సమన్వయకర్త శ్రీమతి సింగిరెడ్డి శారద అధ్యక్షతన ఘనంగా నిర్వహించబడింది. ప్రవాసంలో నిరాటంకంగా 116 నెలలపాటు ఉత్తమ సాహితీవేత్తల నడుమ సాహిత్యసదస్సులు నిర్వహించటం ఈ సంస్థ విశేషం. డాలస్ నుండే కాకుండా హ్యూస్టన్, ఆస్టిన్, సాన్ ఆంటోనియో నుండి భాషాభిమానులు,సాహిత్యప్రియులు అధిక సంఖ్యలో ఈ సమావేశానికి విచ్చేసి జయప్రదం చేసారు.

 
సమన్వయకర్త శ్రీమతి సింగిరెడ్డి శారద సభను ప్రారంభిస్తూ సదస్సుకి విచ్చేసిన సాహితీప్రియులకు స్వాగతం పలికారు. పరిచయ కార్యక్రమాలు, పసందైన విందు భోజనం తరువాత శ్రీమతి ఆడూరి సృజన “సంగీత సాహిత్య సమలంకృతే”, “స్వరములు ఏడైనా రాగాలెన్నో” పాటలను పాడి సభను ప్రారంభించారు. సాన్ ఆంటోనియో నుండి వచ్చిన శ్రీ సూరంపూడి శరత్, శ్రీ కరణం రామ్మోహన్ స్వీయకవితలని చదివి వినిపించారు. ఆస్టిన్ నుండి వచ్చిన శ్రీ మందపాటి సత్యం తన నవల “నిజమే కల అయితే” కి ప్రేరణ ఎలా కలిగిందో తెలియజేసారు. శ్రీ డొక్కా రాం ఆత్మానందం-ఆత్మారామం శీర్షికన తన స్వీయ కవితలని వినిపించారు. హ్యూస్టన్ నుండి వచ్చిన శ్రీ వంగూరి చిట్టెన్ రాజు పోతన భాగవతాన్ని భావితరానికి ఉపయోగపడేలా చేస్తున్న శ్రీ పుచ్చా మల్లిక్ గురించి చెప్పారు.

38th TX Sahitya Vedika 1 38th TX Sahitya Vedika 2 38th TX Sahitya Vedika 3
డాలస్ కి చెందిన శ్రీ వేముల లెనిన్ బాబు కవితా కుమారి ప్రస్థాన గీతిక శీర్షికన ఊహా సుందరి అయిన కవితా కుమారి జన్మస్థలం, ఆమె ప్రయాణం గురించి వివరిస్తూ మంచి పాటలని పాడారు. డా. ఊరిమిండి నరసింహారెడ్డి “మన తెలుగు సంపద” శీర్షికన కొన్ని పొడుపు కథలను సభతో పంచుకున్నారు. శ్రీ మాడ దయాకర్ నరసింహావతార ఘట్టం – పోతన నాటకీయత గురించి మాట్లాడారు. మెమొరియల్ డే వారాంతం జరగనున్న తానా సభల సూవనీర్ “తెలుగు పలుకు” ప్రధాన సంపాదకులు శ్రీ చేకూరి కేసీ ఔత్సాహిక ప్రవాస తెలుగు రచయితలు కవితలు, కథలు, పద్యలు, వ్యాసాలు మొదలైనవి ఏప్రిల్ మొదటివారానికి చేరేలా పంపాలని కోరారు.

 
శ్రీ దొడ్ల రమణ గారు సాన్ ఆంటోనియోకి చెందిన శ్రీమతి దేవగుప్తాపు పద్మ గారి “పద్మ పద్య వాహిని” పుస్తక పరిచయం చేసారు. పుస్తక పరిచయం తరువాత పుస్తకావిష్కరణ కూడా జరిగింది. శ్రీ విన్నకోట రవిశంకర్ గారి “వేసవి వాన” కవితా సంపుటిని శ్రీ బసాబత్తిన శ్రీనివాసులు పరిచయం చేస్తూ అందులోని రెండు కవితలు చదివారు. శ్రీ పాపినేని శివశంకర్ గారికి కేంద్ర సాహిత్య పురస్కారాన్ని తెచ్చిన “రజనీగంధ” కవితా సంపుటిని శ్రీ మద్దుకూరి చంద్రహాస్ పరిచయం చేసారు. ఇందులోని ప్రతి కవిత మనకి ఒక కొత్త విషయాన్ని పరిచయం చేస్తుందన్నారు. శ్రీమతి కూచిభొట్ల లలితామూర్తి తమ తాతగారు రచించిన శ్రీగణేశ్వరీయం పుస్తక పరిచయం చేసి కొన్నిటిని పంచి పెట్టారు.

 
తేనీటి విందు తర్వాత సాన్ ఆంటోనియోకి చెందిన శ్రీ పోతన సాయికుమార్ రచించి దర్శకత్వం వహించిన “వైద్యో నారాయణ” నాటకాన్ని ప్రదర్శించారు. ఇందులో శ్రీ పోతన సాయికుమార్, శ్రీ కరణం రామ్మోహన్, శ్రీ మేక సీ.ఎస్.రెడ్డి, శ్రీ సూరంపూడి శరత్, శ్రీ దొడ్డ సత్య, శ్రీ దేవగుప్తాపు బాబు, శ్రీ కోట వేణుగోపాల్, శ్రీమతి ఆదిత్య లక్ష్మి నటించారు. శ్రీ కన్నెగంటి చంద్ర సాహిత్యంలో విషాదం ప్రాముఖ్యత గురించి మాట్లాడారు. డా. కలవగుంట సుధ ఆధ్యాత్మ రామాయణం గురించి మాట్లాడారు. శ్రీ పూదూర్ జగదీశ్వరన్ సరస్వతి దేవి మీద ఒక పద్యం వినిపించారు. దాని తర్వాత ఇడ్లీ దండకం చదివి అందరినీ నవ్వించారు. డా. ఆళ్ళ శ్రీనివాసరెడ్డి కొన్ని విప్లవగీతాలను, ఒక జానపద గీతం ఆలపించారు. శ్రీ జలసూత్రం చందు స్వీయరచన పాటని పాడారు.

 
116వ నెలనెలా తెలుగు వెన్నెల సదస్సుని దేశీ ప్లాజా స్టూడియో ప్రపంచవ్యాప్తంగా ప్రత్యక్ష ప్రసారం చేసారు. సింగిరెడ్డి శారద మాట్లాడుతూ సాహిత్యం మీద ప్రేమ, మాతృభాష మీద మమకారంతో విచ్చేసిన భాషాభిమానులకు, సాహితీ ప్రియులకు, పసందైన విందు భోజనం సమకూర్చిన వారందరికీ కృతజ్ఞతలు తెలియజేసారు. ప్రత్యేక ప్రసార మాధ్యమాలైన దేశీ ప్లాజా, రేడియో ఖుషి మరియు ప్రసార మాధ్యమాలైన టీవీ 5, టోరి , టి.ఎన్.ఐ లకు కృతఙ్ఞతాపూర్వక అభివందనములు తెలియజేసారు.

 
కార్యక్రమంలోని ఛాయాచిత్రాలను ఈ లంకెలో చూడవచ్చును.

https://tantex.smugmug.com/2017-Events/Sahitya-Vedika/116th-NNTV-38th-TX-Sahitya-Sadassu-Mar18th-2017
టాంటెక్స్ 116 వ నెల నెలా తెలుగు వెన్నెల సదస్సు గురించి బసాబత్తిన శ్రీనివాసులు  సమర్పించిన నివేదిక.

0 830

In a simple, yet elegant ceremony on 1/7/17 at FunAsia Richardson Texas, Collin County Judge Keith Self administered the oath of office to the India Association of North Texas’s 2017 Board. Ceremony was attended by community leaders and corporate sponsors. Mohammed Salman Farshori was sworn in as the 52nd President to lead this prestigious organization. India Association is one of the oldest Asian Indian organizations in the USA, established in 1962.

“The opportunity to serve as the President of India Association of North Texas is an honor and a privilege that I enthusiastically embrace. IANT is one of the oldest Asian Indian organizations in the US, and we are the doorway to one of the fastest growing population in the country. One of IANT’s main focus is to provide a platform to our community to fulfill its needs and goals for cultural and social engagement, and to help raise understanding and awareness of Indian cultural heritage and traditions across North Texas. This year we have one of the most dynamic and talented board that is all pumped up to take IANT to the next level, and it leads me to be very optimistic about what lies ahead in 2017.” Salman stated during his inauguration.

Other board officers installed include:

  • Kamal Kaushal – President-Elect
  • Narasimha Bakthula – Vice President
  • Shailesh Shah – Secretary
  • Rahat Arifuddin – Jt. Secretary
  • Rahul Chatterjee – Treasurer
  • Raja Bellani – Jt. Treasurer
  • Padma Shri – Ashok Kumar Mago – Trustee Chair
  • Lal Daswani – Trustee Co-Chair
  • Past President – Indu Reddy

2017 IANT board of directors, trustees, and corporate advisory board information details are available on IANT Website (www.iant.org)

india-association-of-north-texas-installed-their-52nd-president

The India Association of North Texas (IANT) is a 501(c) (3) Non-profit, non-political, non-sectarian organization, established in 1962 and incorporated in 1976. Its primary purpose is to serve the cultural and educational needs of the North Texas Indian community. The National Federation of Indian Associations has approved IANT to be the Federation of Indian Associations (FIA) umbrella organization in the DFW area. More than 100 Indian organizations are its Affiliate Members

India Association of North Texas will be Celebrating its 41st India Day event on January 21st, 2017 at 12:00 Noon.  Event is going to be held at SMU McFarlin Auditorium which is located at 6405 Boaz Ln, Dallas, TX 75205. India Day is an annual cultural and dance event hosted by the India Association of North Texas (www.iant.org) celebrating India’s republic day. The event includes presentations on Indian history, culture and dance performances by over 1100+ participants from all across DFW

0 1710

India Association of North Texas (IANT) invites you all to join teh 39th Annual Anand Bazaar celebrating India’s Independence Day at 6:00 PM on Saturday, August 15th 2015 at LONE STAR PARK 1000 Lone Star parkway, Grand Prairie, TX 75050

Let us ALL get TOGETHER, this Saturday, Aug 15th, to CELEBRATE INDIA’S INDEPENDENCE DAY at the most anticipated ANAND BAZAAR dedicated to ‘The People’s President’, Dr. A.P.J. Abdul Kalam.

Free entry and FREE parking for ALL.

Come join the parade with Vijay Amritraj as the Grand Marshal, ENJOY the BEST LIVE ENTERTAINMENT with Jeffrey Iqbal, Darshana and team, many vendor booths, LOTS of fabulous and delicious OPTIONS, FUN Activities for KIDS, FIREWORKS SHOW,… Grand Tribute to Dr. A.P.J. Abdul Kalam…
A truly AWESOME EXPERIENCE for the Entire Community!!

India Association of North Texas (IANT) Anand Bazaar on 15th August

0 1211

ఇర్వింగ్, టెక్సాస్: ఆగస్ట్ 9: ఉత్తర అమెరికా తెలుగు సంఘం (నాట్స్) , డల్లాస్ చాప్టర్ ఆధ్వర్యంలో పీపుల్స్ మీడియా వారి సహకారంతో గాన గంధర్వుడు ఎస్ పి  బాలసుబ్రహ్మణ్యం గారు సమర్పించిన ఈ-టీవీ పాడుతా తీయగా కార్యక్రమం లో అంతిమ పోరు ( గ్రాండ్ ఫినాలే ) ని ఆదివారం ఆగస్ట్ 9 తేదీన, ఇర్వింగ్, టెక్సాస్ లోని మెక్ ఆర్థర్ స్కూల్ లో నిర్వహించారు. చాలా ఏళ్ళుగా భారతదేశంలో విజయవంతంగా నిర్వహిస్తూ, ఎందరో ఔత్సాహికులైన కళాకారులను వెలికి తెచ్చిన ఘనత పాడుతా తీయగా కార్యక్రమానికి ఉంది. అలాగే అమెరికాలో తెలుగు సంగీత శిక్షణ పొందుతున్న ఉత్సాహవంతులైన బాల బాలికలను గుర్తించి మరింతగా ప్రోత్సహించే ఉద్దేశ్యంతో గత మూడేళ్ళుగా అమెరికాలోనే ఈ కార్యక్రమాన్ని నిర్వహిస్తున్నారు. మొదటి సిరీస్ 2013 లో డల్లాస్ లో జరిగిన నాట్స్ అమెరికా సంబరాలు లో కన్నుల పండుగ గా జరుపుకొన్నారు.  ఈ సంవత్సరం కూడా నాట్స్ ఆధ్వ్యర్యంలో పీపుల్స్ మీడియా  సహకారమతో డల్లాస్ లోనే జరగటం విశేషం.

ముందుగా అభ్యర్ధులు పంపిన ఆడియో , వీడియో క్లిప్పింగ్స్ పరిశీలించి బాలు గారు 17 మందిని పోటీకి అర్హులుగా ఎంపిక చేసారు . మొదటి విడత పోటీలు అమెరికాలోని వివిధ నగరాలలో జరగగా , చివరకు 5 గురిని శనివారం  జరిగిన ఫైనల్స్ కు ఎంపిక చేసారు. అత్యంత ఉత్సాహంగా సాగిన పోటీలో చివరకు నలుగురిని ఎంపిక చేసి ఆదివారం జరిగిన అంతిమ పోరుకు  అర్హులుగా నిర్ణయించారు
ఈ  కార్యక్రమానికి న్యాయ నిర్ణేతలుగా బాలు గారు, ప్రముఖ సంగీత దర్శకులు ఆర్ పి  పట్నాయక్, ప్రసిద్ధ గాయకుడు మనో వ్యవహరించారు. కార్యక్రమ ప్రారంభంలో  లో డా .బిందు కొల్లి గారు బాలు గారిని వేదిక పైకి ఆహ్వానించారు. తదుపరి బాలు గారు కార్యక్రమ స్పాన్సర్స్ ను పరిచయం చేసి పోటీని ఆరంభించారు. ఈ అంతిమ పోరును సాంప్రదాయ గీతాలు, సినీ గీతాలు, శాస్త్రీయ సంగీతం ఉన్న సినీ గీతాలు అనే విభాగాలలో నిర్వహించారు.
పోటీలో పాల్గొన్న బాల బాలికలు సంక్లిష్టమైన, సంస్కృత పదాలతో కూడిన పాత చిత్రాలలోని గీతాలను అత్యద్భుతంగా పాడి ‘వారెవా’ అనిపించారు. అమెరికాలో ఉంటూ తెలుగు నేర్చుకోవటమే గాక , శాస్త్రీయ సంగీతభరితమైన పాటలను అలవోకగా పాడి వినిపించినందుకు, బాలు గారు, మనో గారు, పట్నాయక్ గారు పిల్లలను అభినందించారు. పోటీలో ప్రధమ, ద్వితీయ, తృతీయ స్థానం పొందిన విజేతలకు యుప్ టీవీ వారి తరపున వరుసగా  10,000, 5,000, 2,500 డాలర్లు నగదు బహుమతి , జ్ఞాపిక, సర్టిఫికెట్లు అందచేసారు .

 
తమ తుది ప్రసంగంలో బాలు గారు ఈ టీవీ పాడుతా తీయగా కార్యక్రమాన్ని అమెరికాలో సమర్పిస్తున్న పీపుల్స్ మీడియా వారిని, నిర్వహించిన నాట్స్ వాలంటీర్లను, పోషక దాతలను  పేరు పేరునా అభినందించారు.
నాట్స్ సభ్యులు కోనేరు శ్రీనివాస్, నాట్స్ ఆవిర్భావం గురించి, హెల్ప్ లైన్ గురించి వివరించి, కార్యక్రమం  విజయవంతం చేయడానికి తోడ్పడిన అందరికీ కృతఙ్ఞతలు తెలిపారు. నాట్స్ డల్లాస్ చాప్టర్ బృంద సభ్యులు వెలమూరి విజయ్, కోగంటి రామకృష్ణ, కొల్లి వెంకట్, కొల్లి బిందు, వెంకట్ కొడాలి , ఉమా అట్లూరి , అన్నే అమర్, అన్నే శేఖర్, నూతి బాపు, గోవాడ అజయ్, మాదాల రాజేంద్ర, కావూరి శ్రీనివాస్, మర్నేని రామకృష్ణ, నిమ్మగడ్డ రామకృష్ణ, ధూలిపాళ్ల సురేంద్ర, కంచర్ల  చైతన్య, వీరగంధం కిశోర్, వీణా యలమంచిలి కార్యక్రమం  దిగ్విజయం కావడానికి  విశేషం గా కృషి  చేసారు.

padutha teyaga usa season 3 grand finals 1 padutha teyaga usa season 3 grand finals 2 padutha teyaga usa season 3 grand finals 3 padutha teyaga usa season 3 grand finals

0 1661

ఇర్వింగ్, టెక్సాస్: ఆగస్ట్ 8:  ఉత్తర అమెరికా తెలుగు సంఘం (నాట్స్) , డల్లాస్ చాప్టర్ ఆధ్వర్యంలో పీపుల్స్ మీడియా వారి సహకారంతో గాన గంధర్వుడు ఎస్ పి బాలసుబ్రహ్మణ్యం గారు సమర్పించిన ఈ-టీవీ

‘పాడుతా తీయగా’ కార్యక్రమం 2015 లో భాగంగా తుది పోరు  (ఫైనల్స్ ), అంతిమ పోరు ( గ్రాండ్ ఫినాలే ) ని ఈ శనివారం , ఆదివారం (ఆగస్ట్ 8,9 తేదీలలో) , ఇర్వింగ్,టెక్సాస్ లోని మెక్ ఆర్థర్ హైస్కూల్ లో నిర్వహిస్తున్నారు.

 

చాలా ఏళ్ళుగా భారతదేశంలో విజయవంతంగా నిర్వహిస్తూ, ఎందరో ఔత్సాహికులైన కళాకారులను వెలికి తెచ్చిన ఘనత ఉన్న ‘పాడుతా తీయగా’ కార్యక్రమాన్ని,  గత రెండేళ్ళుగా, ఈ టీవీ వారు అమెరికాలో కూడా నిర్వహిస్తూ ఇక్కడ శిక్షణ పొందుతున్న చిన్నారులలో కూడా మేటి వారిని ఎంపిక చేసి ప్రోత్సహిస్తున్నారు

 

గత కొద్ది నెలలుగా అమెరికా లోని అన్ని పెద్ద నగరాలలో 13 నుండీ 16 ఏళ్ల మధ్య పిల్లలకు జరిగిన పోటీలలో నెగ్గిన బాల బాలికలు శనివారం జరిగిన తుది పోరులో తలపడ్డారు. ఈ  కార్యక్రమం లో న్యాయ నిర్ణేతలుగా బాలు గారితో పాటు ప్రముఖ సంగీత దర్శకులు ఆర్ పి  పట్నాయక్, ప్రసిద్ధ గాయకుడు మనో వ్యవహరించారు

padutha-teyaga-2015-grand-finale-in-texas

సంప్రదాయ రీతి, మధుర గీతాలు, ఉల్లాస భరిత గీతాలు అనే మూడు విభిన్న అంశాలలో అత్యంత ఆసక్తికరంగా సాగిన పోటీలో అయిదుగురు చిన్నారులు తమ గానలహరి తో ప్రేక్షకులను పరవశింప  చేసారు. న్యాయ నిర్ణేతలు తమ చక్కటి విశ్లేషణతో పిల్లలను ప్రోత్సహిస్తూనే వారికి సాధన ద్వారా తమ గాత్రాన్ని మరింత మెరుగు పరుచుకునేందుకు తగిన సూచనలు చేసారు.

 

ఉదయం 11 గంటలకు ప్రారంభమైన కార్యక్రమం లో  బాలు గారు, కార్యక్రమ ఉద్దేశ్యాన్ని , పోటీ నియమ నిబంధనలను ప్రేక్షకులకు వివరించారు. తదుపరి బాలు గారు కార్యక్రమ స్పాన్సర్స్ ను పరిచయం చేసి పోటీని ప్రారంభించారు.

మొదటి పోటీ సంప్రదాయ సంగీతం లో   త్యాగయ్య , అన్నమాచార్యులు , ఇతర వాగ్గేయకారుల  గీతాలను పాడి అలరించారు. మధ్యాహ్నం మూడు గంటలకు ప్రారంభమైన రెండవ అంకం లో .పది పదిహేనేళ్ళ క్రితం చిత్రాలలోని మధుర గీతాలను మనోహరంగా ఆలపించారు. న్యాయ నిర్ణేత మనో, సంగీత  దర్శకులు ఆర్ పి  పట్నాయక్ తమ విశ్లేషణ లో అమెరికాలో పెరుగుతూ ఇక్కడ గురువుల వద్ద శిక్షణ పొందుతూ మనోహరంగా గానం చేస్తున్న చిన్నారులను అభినందించారు. సాయంత్రం 6 గంటలకు మొదలైన మూడవది, చివరి అంకంలో హోరా హోరీ  గా జరిగిన పోటీలో ఫాస్ట్ బీట్ పాటలు పాడి తాము ఎలాంటి పాటలైనా పాడి మెప్పించగలమని నిరూపించారు. రసవత్తరంగా ముగిసిన ఈ తుది ఘట్టం చివర ఎవరు గెలుపొందుతారో అని అందరిలో ఉత్కంఠ  కలిగించారు.

 

కార్యక్రమం మధ్య మధ్య,  బాలు గారు, మనో గారు చేసిన చమత్కార సంభాషణ హాస్య గుళికల వలె ప్రేక్షకులకు నవ్వు తెప్పించింది. మనో గారి హరిశ్చంద్రోపాఖ్యానం ఇతర నాటక పద్యాలు రక్తి కట్టించాయి.

 

రేపు ఆదివారం జరగబోయే అంతిమ పోరు లో  శనివారం నెగ్గిన నలుగురు పిల్లల మధ్య పోరు మరింత హుషారుగా , పోటా పోటీ గా ఉండబోతుందని అందరూ భావిస్తున్నారు.  డల్లాస్, పరిసర నగరాలలోని తెలుగు ప్రజలు ఆదివారం కార్యక్రమానికి హాజరై ఈ రియాల్టీ షో ని కనులారా తిలకించే సదవకాశాన్ని  వినియోగించుకోవలసిందిగా  ‘నాట్స్’ వారు కోరుతున్నారు.

0 1037

డాల్లస్/ఫోర్టువర్త్,టెక్సస్: తెలుగు సాహిత్య సేవలలో నిర్విరామంగా ఉత్తర టెక్సస్ తెలుగు సంఘం (టాంటెక్స్) వారు నిర్వహించే “నెల నెలా తెలుగు వెన్నెల” అష్టమ వార్షికోత్సవం ఈ నెల ఆదివారం జూలై 12 మలంకార చర్చి ఆడిటోరియంలో సాహిత్య వేదిక సమన్వయకర్త దండ వెంకట్ అధ్యక్షతన ఎంతో ఘనంగా జరిగింది. తెలుగు భాష, సాహిత్యం, సంస్క్రతి పరిరక్షణ ధ్యేయంగా సాగుతున్న ఈ ప్రయాణంలో మరో మైలు రాయి ఈ అష్టమ వార్షికోత్సవం. “సంగీత సాహిత్య నృత్య సమ్మేళనం” గా ప్రతి సంవత్సరం జరుపుకునే మన తెలుగింటి వేడుక. పద్యం, హాస్యం ప్రధాన ఇతివృత్తాలుగా సాగిన ఈ వేడుక పిల్లలు, పెద్దల భాగస్వామ్యంలో ఏంతో సందడిగా, మన ఇంటిలో వేడుకలా ఆద్యంతము ఉల్లాసంగా జరిగింది. ముఖ్య అతిధి శ్రీ తురిమెళ్ళ శంకర నారాయణ గారు, విలక్షణ అతిధి శ్రీ గుమ్మడి గోపాలకృష్ణ గారు, విశిష్ట అతిధి డా. కేతు విశ్వనాథరెడ్డి గారు, ప్రత్యేక అతిధి శ్రీమతి అమల్లదిన్నె పద్మజ గారు, టాంటెక్స్ కార్యవర్గం, పాలకమండలి సభ్యులు, సాహిత్య వేదిక సభ్యుల జ్యోతి ప్రజ్వలనతో సభ ఘనంగా ప్రారంభమైంది. చిన్నారి చావలి ఉమ సరస్వతి నమోస్తుతె ప్రార్ధనా గీతం వీనులవిందుగా ఆలపించింది. తెలుగు సాహిత్య వేదిక సమన్వయకర్త దండ వెంకట్ ప్రారంభోపన్యాసం చేస్తూ మన సాహితీ సంపదను కాపాడుకోవడానికి, సాహితీ పండితులను గౌరవించడానికి ప్రయత్నం ఒక ఎత్తయితే, వీటిని భావితరాలకు అందించడం అంతే ముఖ్యమని, ఈ సంవత్సంలో ఇంతవరకు దాదాపు 30 మంది బాల బాలికలు పాల్గొని తమ సాహిత్య ప్రతిభను ప్రదర్శించిన తీరును కళ్లకద్దినట్లు వివరించారు. మన భాష, సాహిత్యం విరాజిల్లేందుకు చేయి చేయి కలిపి అందరం కృషి చేద్దామని పిలుపునిచ్చారు.

శ్రీమతి చావాలి మంజు హేమమాలిని సమర్పణలో గురు పరంపర డాన్స్ అండ్ మ్యూజిక్ స్కూల్ బాల బాలికల సంగీత విభావరిలో దరువర్ణం మాతే మలయధ్వజ, బ్రహ్మ మొక్కటే అతి మధురంగా గానం చేసి ఆహుతుల హర్షద్వానాలు అందుకున్నారు. ప్రత్యేక అతిధి శ్రీమతి పద్మజ అమల్లదిన్నె(మల్లాది) గారి పద్య పఠన ప్రాముఖ్యత ప్రసంగం ఒక ప్రవాహంలా సాగి, నన్నయ్య నావాడని, పోతన నావాడని వాదించే ఉదాహరణలో, అచ్చులని హల్లులని ఎలా విడదీయలేమో అలాగే పద్యాలని కూడా ప్రాంతాలవారీగా విడదీయలేమని, పద్యం తెలుగువాడి సొంతమని కొనియాడారు. శ్రీ దొడ్ల రమణ పోతన భావతంలోని పద్యాలను రాగయుక్తంగా ఆలపించి, సభలోని వారి అందరిచేత ఔరా అనిపించుకున్నారు. అంతే కాకుండా శ్రీ దొడ్ల రమణ గారు, అన్నీ సాధ్యమే అనే రీతిలో, తెలుగు భక్తి సామ్రాజ్యానికి తిరుగులేని రాజైన పోతన విరచిత భాగవతము నుండి మధురమైన కొన్ని పద్యాలను తొమ్మిది మంది బాల బాలికలకు శిక్షణ ఇచ్చి, వారిలో పద్యంఫై అవగాహన పెంపొందించి, అనతి కాలంలోనే పిల్లలలో ప్రతిభను వెలికితీసి, “పోతన పద్య పరిమళము” రూపొందించి, ఏంతో రమ్యంగా ఆలపించేట్లు తీర్చిదిద్దిన రమణ గారిని, పిల్లలను అందరూ కొనియాడారు. ముఖ్యంగా మూడేళ్ళ మాడ సమన్విత, నాలుగేళ్ళ రిషికేష్ సిద్ధార్థ రాగ భావయుక్తముగా చదివిన తీరు ఆహుతులని మంత్రముగ్దులని చేసింది. అమెరికాలో పుట్టి పెరిగిన ఈ చిన్నారులు భక్తితో, స్పష్ఠమైన ఉచ్ఛారణతో చేసిన ఈ పద్యపఠనం అందరినీ ఆకట్టుకోవడమే కాకుండా, తెలుగు సాహిత్య భక్తి సంపదలు పదిలంగా దాచుకొని పెంపొందిచగల సామర్థ్యం తరువాతి తరానికి ఉందని ఋజువు చేశారు. విలక్షణ అతిధి శ్రీ గుమ్మడి గోపాలకృష్ణ గారు రాయభారం పద్యాలను శ్రీ కృష్ణుడు వేషములో ఆలపించి అందరిని పద్య నాటకపు రోజులలోకి తీసుకువెళ్ళారు. చెల్లియో చెల్లకో, జెండాపై కపిరాజు, అలుగుటయే ఎరుంగని పద్యాలకు సభ దద్దరిల్లింది. విశిష్ఠ అతిధి డా.కేతు విశ్వనాథరెడ్డి గారు “మన తెలుగు మనం” అంశంపై ప్రసంగిస్తూ సాహిత్యం భాషలో ఒక భాగమే కాని సాహిత్యం మాత్రమే భాష కాదని, శుధ్ధ భాష అంటూ ప్రత్యేకం గా ఉండదని, మాండలికాలు వేరైనా భాష అంతా ఒకటేనని భాషా దురభిమానము తగదని హితవు చెప్పారు. డా. కలవగుంట సుధ సమర్పణలో తెలుగు భాషా, సాహిత్యం, సంగీతం, సంస్కృతి సంప్రదాయాలకు అద్వితీయమైన సేవలందించిన ప్రముఖ తెలుగు వాగ్గేయకారులను స్మరించుకుంటూ తెలుగు సాహిత్య వేదిక సభ్యులు మరియు లాస్యసుధ నృత్య అకాడమీ శిష్య బృందం సమన్వయంగా “తెలుగు వాగ్గేయకారులు” నృత్య రూపకాన్ని కన్నుల పండువగా ప్రదర్శించారు. అన్నమయ్య, త్యాగయ్య, మునిపల్లె సుబ్రహ్మణ్య కవి, క్షేత్రయ్య, నారయణ తీర్థులు, రామదాసు వంటి వాగ్గేయకారులు శృంగారం, భక్తి వగైరాలే కాక ఆనాటి సాంఘిక పరిస్థితులను స్పష్టం చేస్తూ పదాలు రచించారు. వారు లోకాన్ని దర్శించిన ప్రఙ్ఞ, సంగీత, సాహిత్యాలను కరతలామలకం చేసుకోగలిగిన నిష్ఠ, దాన్ని ప్రభోదాత్మకంగా, రంజకంగా, నవనవోన్మేషంగా పునః సృష్టి చేసిన తీరును నృత్యరూపకం ద్వారా చక్కగా వివరించారు. ఈ నృత్యరూపకంలో త్యాగయ్యగా ఉత్తరాధ్యక్షులు జొన్నలగడ్డ సుబ్రమణ్యం, సాహిత్య వేదిక సభ్యులు సుబ్బు దామిరెడ్డి గురువుగా, అన్నమయ్యగా నాగ సురేష్ సుగ్గల, మునిపల్లె సుబ్రమణ్య కవిగా వరిగొండ శ్యాం, రాముడి పాత్రలో జలసూత్రం చంద్రశేఖర్, నారాయణ తీర్ధులుగా బసాబత్తిన శ్రీ, సంయుక్త కార్యదర్శి వీర్నపు చినసత్యం శ్రీ రామదాసు పాత్రలలో అలరించారు.

అధ్యక్షులు డా. ఊరిమిండి నరసింహా రెడ్డి మాట్లాడుతూ, సంవత్సర ప్రధమార్ధంలో నిర్దేశించిన “ప్రగతి పధములో పది సూత్రాలు” ఒక్కొక్కటి క్రమంగా కార్యరూపం దాల్చడం, నెరవేర్చడం చాల సంతోషంగా వుందన్నారు. టాంటెక్స్ ప్రత్యేక కార్యక్రం ఈ. టీవి. వారి స్వరాభిషేకం ఆగష్టు 29న ఆలెన్ ఈవెంట్ సెంటర్లో ఘనంగా నిర్వహించడానికి సన్నాహాలు చురుకుగా సాగుతున్నాయని, అందరు విచ్చేసి జయప్రదం చేయమని కోరారు. నెల నెలా తెలుగు వెన్నెల వందవ మైలురాయి చేరుతున్న సందర్భంలో శత సదస్సు “100వ నెల నెలా తెలుగు వెన్నెల” నవంబర్ 14న ఘనంగా జరుపడానికి సన్నాహాలు మొదలుపెట్టారని, అధిక సంఖ్యలో పాల్గొని భాషాభిమానాన్ని చాటిచెప్పమన్నారు.

TANTEX 8th Year Anniversary -  guest1 TANTEX 8th Year Anniversary -  Nruthyam group TANTEX 8th Year Anniversary - group1 TANTEX 8th Year Anniversary - guest sanmanam1 TANTEX 8th Year Anniversary - guest sanmanam2 TANTEX 8th Year Anniversary - Nrutyam1 TANTEX 8th Year Anniversary - Nrutyam3 TANTEX 8th Year Anniversary - pruchhakulu

ముఖ్య అతిథి హాస్య బ్రహ్మ శ్రీ శంకర నారాయణ గారి హాస్యావధానంలో తన ప్రతి మాటలో హాస్యాన్ని కురిపిస్తూ సభికులని నవ్వుల్లో ముంచారు. భార్య లాండ్ లైన్, గర్ల్ ఫ్రెండ్ సెల్ ఫోన్ అంటూ వారు చెప్పిన పోలికలకు అందరూ కడుపుబ్బా నవ్వారు. స్కూలు తగలపడిపోతోందనీ, కానీ ఉపాధ్యాయులందరూ బయట ఉన్నారని వాపోయిన ఒక పిల్లవాడి గురించి చెప్పినపుడు సభికులు హర్షద్వానాలు చేసారు. కీర్తి శేషులు జంధ్యాల గారు చెప్పిన అప్పగింతలు గురించి మాట్లాడుతూ “అప్పగింతల సమయలో అమ్మాయి ఏడుపు ఆఖరి ఏడుపు అలాగే అబ్బాయి నవ్వు కూడా ఆఖరిదే” అన్నారు. హాస్య ప్రసంగం తదుపరి శ్రీ పూదూర్ జగదీశ్వరన్ సంధాత గా వ్యవహరించగా, డా. ఆళ్ళ శ్రీనివాస్రెడ్డి, శ్రీ గుమ్మడి గోపాలకృష్ణ, శ్రీ ప్రభల శ్రీనివాస్, శ్రీ జలసూత్రం చంద్రశేఖర్, శ్రీ రాయవరం భాస్కర్, శ్రీమతి మల్లాది పద్మజ, శ్రీ మాడ దయాకర్ పృచ్చకులుగా హాస్యావధానంలో పాల్గొన్నారు. గుమ్మడి గోపాలకృష్ణ గారు సుభద్రపై పద్యం చదవమనగా శంకర నారాయణ గారు చక్కగా పద్యాన్ని కూర్చి ఆలపించారు. హనుమంతుని తోక పెద్దదా? లేక ద్రౌపది కోక పెద్దదా అన్న చిలిపి ప్రశ్నకి హనుమంతుని తోకే పెద్దదని సమధానమిచ్చారు. ఈ మధ్యనే విడుదల అయిన బాహుబలి చిత్రంలోని కాలకేయుడి భాష గురించి రాయవరం భాస్కర్ గారు ప్రశ్నించగా సరదాగా జవాబిచ్చారు. మగవారి గొప్పదనం గురించి ఆడవాళ్ళు చెప్పుకుంటారా? అన్న జలసూత్రం చంద్రశేఖర్ గారి ప్రశ్నకు ఇచ్చిన జవాబు సభికులని నవ్వుల్లో ముంచింది. మల్లాది పద్మజ గారు, విశ్వనాధ సత్యనారాయణ గారు ఈరోజుల్లో ఉంటే సెల్ ఫోనులో ఏమి మాట్లాడేవారని అడిగిన ప్రశ్నకు కూడా ఎంతో తెలివిగా సమధానమిచ్చి మళ్ళీ సభికుల్ని కడుపుబ్బా నవ్వించారు. మీ పేరులో శంకరుడున్నాడు, నారాయణుడున్నాడు, వీరిద్దరిలో మీరెవరిని ఎంచుకుంటారు, అని ప్రభల శ్రీనివాస్ గారు అడిగిన ప్రశ్నకు సరదాగా బదులిచ్చారు. పృచ్చకుల నుండే కాకుండా సభలోని వారు కూడా హాస్యావధాని శంకర్ నారాయణ గారిని అడిగిన ప్రశ్నలకు హాస్యంతో బదులిచ్చి అందరినీ నవ్వించారు.

అట్లూరి స్వర్ణ గారు సభా ప్రాంగణాన్ని అలంకరణ చేసిన తీరు, అన్ని అంశాలను మంచి ఆలోచనతో కూర్పు చేసిన పూర్వ సాహిత్య కార్యక్రమ చాయా చిత్రాలు అందరిని ఆకట్టుకున్నాయి. ఉత్తర టెక్సస్ తెలుగు సంఘం (టాంటెక్స్) అధ్యక్షులు డా. ఊరిమిండి నరసింహా రెడ్డి, ఉత్తరాధ్యక్షులు జొన్నలగడ్డ సుబ్రహ్మణ్యం, ఉపాధ్యక్షులు ఉప్పలపాటి క్రష్ణారెడ్డి, కార్యదర్శి మహేష్ ఆదిత్య ఆదిభట్ల, కోశాధికారి శీలం క్రష్ణవేణి, పాలకమండలి సభ్యులు రొడ్డ రామక్రష్ణా రెడ్డి, సమన్వయ కర్త దండ వెంకట్, సాహిత్య వేదిక బృందం, టాంటెక్స్ కార్యవర్గం సింగిరెడ్డి శారద, బిళ్ళ ప్రవీణ్, వనం జ్యోతి, గోవాడ అజయ్, పాలేటి లక్ష్మి, వీర్నపు చినసత్యం, పావులూరి వేణు ముఖ్య అతిధి శ్రీ తురిమెళ్ళ శంకర నారాయణ గారిని , విలక్షణ అతిధి శ్రీ గుమ్మడి గోపాలకృష్ణ గారిని, విశిష్ట అతిధి డా. కేతు విశ్వనాథరెడ్డి గారిని, ప్రత్యేక అతిధి శ్రీమతి అమల్లదిన్నె పద్మజ గారిని, చలనచిత్ర నటులు శ్రీ నందమూరి తారకరత్న గారిని, సంగీత దర్శకులు శ్రీ నేమాని పార్థసారథి గారిని పుష్పగుచ్చ్చం, శాలువ మరియు జ్ఞాపిక తో సత్కరించారు. సమన్వయ కర్త దండ వెంకట్ మాట్లాడుతూ 96 నెలలు ఒక యజ్ఞంలా ‘నెల నెలా తెలుగు వెన్నెల’ కార్యక్రం నిరాటంకంగా సాగడానికి కారకులైన సభ్యులకు, కార్యకర్తలకు, భాషాభిమానులకు, సాహితీ ప్రియులకు, పోశకదాతలకు ధన్యవాదాలు తెలిపారు. ప్రత్యేక ప్రసార మాధ్యమాలైన దేశీ ప్లాజా, రేడియో ఖుషి మరియు ప్రసార మాధ్యమాలైన టీవీ9, టీవీ5, సీవీఆర్ టీవీలకు కృతఙ్ఞతా పూర్వక అభివందనములు తెలియజేసారు.

0 1076

ఇర్వింగ్, టెక్సాస్: పీపుల్స్ మీడియా సమన్వయంతో డల్లాస్ చాప్టర్ ఆఫ్ నాట్స్ నిర్వహించిన అనూప్ రూబెన్స్ సంగీత కోలాహలం కేక పుట్టించింది. ఇక ఈటీవీ జబర్దస్త్ టీమ్ పండించిన నవ్వులు పువ్వులు నవ్వుల లోకంలోకి తీసుకెళ్లాయి. మాట్లాడే బొమ్మ, స్కిట్స్,  మరెన్నో హాస్యభరితమైన ప్రదర్శనలు వచ్చిన వారికి నవ్వుల విందును అందించాయి. ఈ కార్యక్రమానికి సుమారు 1200 మందికి పైగా హాజరయ్యారు. డల్లాస్ లోని ఇర్విన్ హై స్కూల్ ఆడిటోరియంలో జులై 18న నిర్వహించిన ఈ కార్యక్రమాలు విజయవంతమయ్యాయి.

 

ఇక అనూప్ రూబెన్స్ సంగీత హోరుతో అప్పటి వరకు ఉన్న వాతావరణం మారిపోయింది. అనూప్ రూబెన్స్ బీట్స్ ప్రతి ఒక్కర్ని ఉర్రూతలూగించింది. బీట్ పడడం ఆలస్యం చూడ్డానికి వచ్చిన వారు కాస్తా స్టెప్పులేయడం మొదలుపెట్టారు. టెంపర్, గోపాల గోపాల, గుండె జారి గల్లంతయ్యిందే వంటి సూపర్ హిట్ పాటలు వచ్చినప్పుడు కుర్చీని అంటిపెట్టుకుని ఉన్న వారంతా స్టేజ్ మీద కు వెళ్లి మరీ ఆర్టిస్టులతో డ్యాన్స్ చేయడం మొదలుపెట్టారు. కొందరైతే సింగర్స్ గా మారిపోయారు పెదం కదిపారు కూడా. ముఖ్యంగా లైవ్ ఆర్కెస్ట్రా కావడం, సినీరంగంలోని ప్రముఖ సింగర్స్ పాడడంతో కార్యక్రమం లైవ్లీగా సాగింది. పైగా ఇలాంటి ఒక ప్రోగ్రామ్ డల్లాస్ లో నిర్వహించడం ఇదే మొదటిసారి. ఈ సంగీత విభావరిలో మరో హైలెట్ ఏంటంటే 20 మంది పిల్లలు కలిసి మనం సినిమాలోని కనిపెంచిన అనే పాటను పాడడం. స్వయంగా అనూప్ రూబెన్స్ చిన్నారులకు శిక్షణ ఇచ్చి మరీ పాడించడం జరిగింది.

Anup Rubens Musical Concert (1) Anup Rubens Musical Concert (2) Anup Rubens Musical Concert (3)

సుమారు నాలుగు గంటల పాటు మ్యూజికల్ షో జరిగింది. ప్రేక్షకులు పాట అయిపోగానే మరో పాట అంటూ కోరడంతో మొత్తంమీద 30కి పైగా పాటలు పాడారు. మొత్తానికి స్థానిక వ్యాపారవేత్తలు, ఉత్సాహవంతులు, నాట్స్ మద్దతుదారులతో ఈ ఈవెంట్ ఘనంగా ముగిసింది. యువ మీడియా, దేశీ ప్లాజా, టీవీ9, టీవీ5 మీడియా సహకారాన్ని అందించాయి. ఇక ఈ కార్యక్రమం కోసం హైదరాబాద్ హౌస్ వెరైటీ రుచులను  తయారుచేసింది.

 

త్వరలోనే నాట్స్, పీపుల్ మీడియా కలిసి పాడుతా తీయగా సెమీ ఫైనల్స్ నిర్వహించబోతున్నాయి. ఆగస్ట్ 8,9న డల్లాస్ లోని మకార్తుర్ హై స్కూల్ లో ఫైనల్స్ జరగబోతున్నాయి.

0 1078

ఈ నెల జూన్ 20వ తేదీన, డాల్లస్ నగరంలోని దేశీ ప్లాజా స్టూడియోలో ఉత్తర టెక్సస్ తెలుగు సంఘం (టాంటెక్స్), లిటిల్ మ్యుజీషియన్స్ అకాడమీ, మరియు ఢిల్లీ తెలుగు సంఘం సమన్వయంగా నిర్వహించిన “స్వరమాధురి” కార్యక్రమం ప్రేక్షకులను ఆనంద సాగరంలో ముంచెత్తింది. ఈ కార్యక్రమంలో భాగంగా ఢిల్లీ తెలుగు అకాడెమీ కార్యదర్శి శ్రీ. ఎన్ వి.ఎల్. నాగరాజు, వారి సతీమణి శ్రీమతి. లక్ష్మి, ఉత్తర టెక్సస్ తెలుగు సంఘం అధ్యక్షులు, డా. ఊరిమిండి నరసింహా రెడ్డి, ప్రత్యేక కార్యక్రమాల సమన్వయకర్త శ్రీమతి. సింగిరెడ్డి శారద మరియు బృందం, టాంటెక్స్ కార్యవర్గ సభ్యులు, అతిథులు సంయుక్తంగా జ్యోతి ప్రజ్వలన చేసి కార్యక్రమన్ని ప్రారంభించారు.

సంగీతం ఓ సంపద! రాగం ఒక భోగం అన్నారు పెద్దలు. శ్రవణానందభరితమైన రాగాలాపన వింటే బాధలను మర్చిపోయి ఎన్నో భావాలు మనలో ఉద్భవిస్తాయి. సాహిత్యం ఒక సంబరమైతే దానికి సంగీతం తోడై మధురమైన గానంతో, నిత్తేజపరులను సైతం ఉత్తేజపరుస్తుంది. స్వరానికి ఎన్నో రాగాలు మేళవింపు జేసి తమ గానామృతాన్ని లోకానికి వినిపించిన మహానుభావులెందరో! ఎందరెందరో!

భావానికి తగిన రాగాన్ని జోడించి భావప్రకటితం చేస్తూ గానాలాపన చేసే సంగీత గాయకుడు డా. కోమండూరి రామాచారి గారు  మధురగాయకునిగా అనతికాలంలోనే పేరు ప్రఖ్యాతలు గడించారు. ‘లిటిల్ మ్యుజీషియన్స్ అకాడమీ’ ని స్థాపించి ఇటు భారదేశంలోనే కాకుండా అమెరిక, ఆస్ట్రేలియా, యూరప్ వంటి పాశ్చాత్యదేశాల్లో ఎంతో మంది శిష్యులకు శిక్షణనిచ్చి వారిచేత ప్రదర్శనలు ఇప్పిస్తూ యావత్ ప్రపంచాన్ని సంగీత సాగరంగా చేసి ఎందరో ప్రముఖుల చేత మన్ననలను పొందారు.

ఉత్తర టెక్సాస్ తెలుగు సంఘం అధ్యక్షుడు డా. ఊరిమిండి నరసింహారెడ్డి సభనుద్దేశించి మాట్లాడుతూ డా. కోమండూరి రామాచారి గారితో టాంటెక్స్ సంస్థకున్న ఐదు సంవత్సరాల అనుబంధాన్ని, స్థానిక చిన్నారులకు సంస్థ అందిస్తున్న ప్రోత్సాహాన్ని, మరియు 18 సంవత్సరాలకు పైబడ్డ స్థానిక గాయనీగాయకలకు ప్రత్యేకంగా ఏర్పాటు చేస్తున్న “స్వరమంజరి” కార్యక్రమాన్ని వివరించారు. ఢిల్లీ తెలుగు అకాడెమీ గత ముప్పై సంవత్సరాలుగా తెలుగు భాషా సంస్కృతి పరిరక్షణకు చేస్తున్న అనేక కార్యక్రమాలను, మరియు శ్రీ NVL నాగరాజు గారి నిస్స్వార్ధ సేవలను కొనియాడారు.TANTEX - DTA - SANMANAM TANTEX - DTA - SANMANAM2 TANTEX - GROUP1 TANTEX - GROUP2 TANTEX - Pushpaguccham - Singer2 TANTEX - Pushpaguchham-Singer1 TANTEX - SANMANAM TANTEX-DTA-NATA-Sanmanam TANTEX-LMA-DALLAS tantex-lma-dta TANTEX-LMA-DTA-Singers1 TANTEX-LMA-Singing

ఈ కార్యక్రమలో డా. కోమండూరి రామాచారి గారి శిష్యులైన సూపర్ సింగర్స్, ప్లే బాక్ సింగర్స్, సత్యయామిని, నిహారిక, కశ్యప్ మనోజ్, కౌత అశ్విన్ మనోహరంగా తమ గానాన్ని సినిమాల్లోని పాత-కొత్త పాటలకు సమంగా ప్రాధాన్యతనిస్తూ శ్రుతినీవు గతినీవు, ఆనతి నీయర, నీనీల పాడెద, కొంతకాలం, రామచక్కని సీతకు, వంటి పాటలతో ప్రేక్షకులను ఆనంద డోలికల్లో విహరింపజేసారు. వీరితో పాటు డా. కోమండూరి రామాచారి గారి శిష్యులైన డాల్లస్ నివాసులు పూనూరు సంజన, కస్తూరి ప్రణవ్, జంగేటి మహిత, ధర్మపురం స్నేహ, వాస్కర్ల శ్రియ, వట్టికుట్టి వెన్నెల, పటేల్ ఆనికా, పండుగు శ్రీయ, సుంకిరెడ్డి అవని, పూజిత కొమ్మెర, కౌత రితి,కౌత శ్రీలక్ష్మి,కౌత అన్విత్ కూడా వారు స్వర పరచిన సరిగమ పదని స్వరాలే, సారే జహాన్ కొ ప్యారా హిందూస్తాన్ హమారా,ఒక రాగం పలకాలంటే వంటి పాటలకు భావరాగాలను జతకట్టి తమ గానంతో ప్రతిభను చాటుకున్నరు.

ఢిల్లీ తెలుగు సంఘం శ్రీ.ఎన్ వి.ఎల్. నాగరాజు, వారి సతీమణి లక్ష్మి 30 సంవత్సరాలుగా కళలపైనున్న మక్కువతో ఎంతోమంది కళాకారులను, కళాపోషకులను, కూడా ప్రోత్సహించి వారి కళాదరణను చాటారు. ‘స్వరమాధురి’ కార్యక్రమంలో వారు హ్యుస్టన్ నుండి స్వచ్ఛంద సేవకులు శ్రీ.బంగారు రెడ్డి, నృత్య కళాకారిణి శ్రీమతి. కోసూరి ఉమాభారతి, లిటిల్ మ్యుజీషియన్స్ అకాడమీ నుండి శ్రీమతి. సింగిరెడ్డి శారద మరియు శ్రీ పూనూరు కమలాకర్, నాటా ప్రాంతీయ ఉపాధ్యక్షుడు శ్రీ.దర్గా రెడ్డి, కార్యక్రమం పోషకదాత జి అండ్ సి శ్రీ.మల్లిక్, ఉత్తర టెక్సస్ తెలుగు సంఘం అధ్యక్షులు డా. ఊరిమిండి నరసింహా రెడ్డి, పాలక మండలి అధిపతి శ్రీ. అజయ్ రెడ్డి లకు ప్రవాస తెలుగువారికి చేస్తున్న నిస్వార్ధ సేవలకు గుర్తింపుగా ఙ్ఞాపికను బహూకరించి, దుశ్శాలువాలతో సత్కరించారు.

ఉత్తర టెక్సాస తెలుగు సంఘం అధ్యక్షులు డా. ఊరిమిండి నరసింహా రెడ్డి , ఉత్తరాధ్యక్షుడు జొన్నలగడ్డ సుబ్రహ్మణ్యం, కార్యదర్శి ఆదిత్య ఆదిభట్ల మహేష్, కోశాధికారి శీలం కృష్ణవేణి, కార్యవర్గ సభ్యులు పాలేటి లక్ష్మి, బిల్లా ప్రవీణ్, గజ్జల రఘు, పాలకమండలి సభ్యులు రొడ్డ రామకృష్ణారెడ్డి, శ్రీమతి రుమల్ల శ్యామ, శ్రీ NVL నాగరాజు గారికి, శ్రీమతి లక్ష్మి గారికి పుష్ప గుచ్చాలతో, దుస్సాలువాలతో సంప్రాదాయ బద్దంగా సన్మానించారు.

ప్రత్యేక కార్యక్రమాల సమన్వయకర్త శ్రీమతి. సింగిరెడ్డి శారద వందన సమర్పణ చేస్తూ ఈ కార్యక్రమం విజయవంతంగా జరగడానికి చేయూత నిచ్చిన తమ జట్టు సభ్యులు సుంకిరెడ్డి నరేష్, దిన్డుకుర్తి నగేష్ బాబు, పంచార్పుల ఇంద్రాణి, తోటకూర పల్లవి, తెలకలపల్లి జయ, సుంకిరెడ్డి మాధవి, దండెబోయిన నాగరాజు, గంగాధర పవన్, మార్తినేని మమత లకు కృతఙ్ఞతలు తెలియజేసారు. నేపధ్యగాయనీమణులైన సత్య యామిని, నీహారిక, మనోజ్ కశ్యప్ మరియు స్థానిక చిన్నారులను అభినందించారు. ప్రత్యేక ప్రసార మాధ్యమాలైన దేశీ ప్లాజా, రేడియో ఖుషి మరియు ప్రసార మాధ్యమాలైన టీవీ9, టీవీ5, సీవీఆర్ టీవీ, 6టీవీలకు కృతఙ్ఞతా పూర్వక అభివందనములు తెలియజేసారు.

0 1345

డాలస్/ఫోర్టువర్త్, టెక్సస్:

ప్రతి నెల తెలుగు సాహిత్య సేవలో భాగంగా ఉత్తర టెక్సస్ తెలుగు సంఘం నిర్వహించే “నెల నెలా తెలుగు వెన్నెల” 91 వ కార్యక్రమం ఆదివారం ఫిబ్రవరి 15, 2015 ఇర్వింగ్ నగరంలోని దేశి ప్లాజా స్టూడియో లో  సాహిత్య వేదిక సమన్వయకర్త దండ వెంకట్ అధ్యక్షతన ఎంతో ఘనంగా జరిగింది.  ఈ సందర్భంగా ఇటీవల అకస్మాత్తుగా పరమపదించిన డాలస్ వాస్తవ్యులు శ్రీమతి పూసర్ల ఉషారాణి ఆత్మకు శాంతి చేకూరాలని సభ నిమిషముపాటు మౌనం పాటించి శ్రద్దాంజలి ఘటించారు. టెక్సస్ రాష్ట్రంలో మొట్ట మొదటి సారిగా “నెల నెలా తెలుగు వెన్నల” కార్యక్రమం  అంతర్జాలం ద్వారా దేశి ప్లాజా (డి.పి. టీవి) వారి సహకారంతో ప్రత్యక్ష ప్రసారం కావడంతో ఒక్క డాలస్ నగరంలో మాత్రమే  కాకుండా, టెక్సస్ రాష్ట్రం, ఇంకా  ప్రపంచ నలు మూలల నుండి విశేష సంఖ్యలో తెలుగు ప్రేక్షకులు ఈ కార్యక్రమాన్ని చూడడం చెప్పుకోదగ్గ విశేషం.  వివరాలలోకి వెళితే సాంప్రదాయ బద్ధమైన ప్రార్ధన గీతం “చిన్నారి పాపాయి”తో డాలస్ చిన్నారులు బిల్లా శ్రేయ, తెలకల పల్లి  శ్రియ , సుంకిరెడ్డి అవని , వడ్లమన్నాటి శ్వేత , తోటకూర ప్రీతిక్ , వాసకర్ల శ్రియ మధురంగా గానం చేయడంతో కార్యక్రమం ప్రారంభమైంది. తదుపరి  శ్రీ అంపశయ్య నవీన్ రచించిన “అంపశయ్య ” అనే పుస్తకము గురించి బసాబత్తిన శ్రీనివాసులు వివరిస్తూ, ఆ పుస్తకం నవీన్ గారి ఇంటి పేరులా మారడాన్ని ప్రస్తావించారు.  వేల సంవత్సరాల క్రితం సంస్కృతం లో భరతముని వారు రచించిన “నాట్యశాస్త్రం” పుస్తకాన్ని శ్రీ పోనంగి శ్రీరామ అప్పారావు తెనిగించిన విషయాలను, అప్పటి భారత ప్రధాన మంత్రి శ్రీ జవహర్ లాల్ నెహ్రు చేతుల మీదుగా వారు కేంద్ర సాహిత్య అకాడెమీ అవార్డు అందుకొనడం గురించి శ్రీమతి కలవగుంట సుధ ఆహుతులకు వివరించారు. ఆ తరువాత సాహిత్య వేదిక బృంద సభ్యురాలు సింగిరెడ్డి శారద ఒక చక్కటి స్వీయ కవితను చదివి వినిపించారు. అటు పిమ్మట దొంతి శోభారాణి గారు “నిగమ నిగమాంత వర్ణిత” అనే ఒక అన్నమాచార్య కీర్తన పాడి ఆహ్వానితులకు వినిపించారు. వచన కవిత్వం గురించి ప్రస్తావిస్తూ శ్రీ దేవరకొండ బాలగంగాధర్ తిలక్ రచించిన “అమృతం కురిసిన రాత్రి “, మహాకవి శ్రీ శ్రీ గారి మహాప్రస్థానం నుండి కొన్ని ప్రముఖ పద్యాలను జలసూత్రం చంద్రశేఖర్ తన చక్కటి వాక్చాతుర్యం ప్రదర్శిస్తూ చదివి ఆహ్వానితులను ఆనంద పరిచారు.

అటు పిమ్మట, సభకు శ్రీమతి పూర్ణ నెహ్రు గారు ఈనాటి ముఖ్య అతిథి ప్రభల శ్రీనివాస్ గారి సంగీతం, సాహిత్యం మరియు నాటక రంగాలలో వున్న ప్రతిభను తెలుపుతూ, ఆయన బహుముఖ ప్రజ్ఞాశాలి పరిచయం చేస్తూ వేదిక పైకి ఆహ్వానించగా , శ్రీమతి జుజారే రాజేశ్వరి పుష్పగుచ్చంతో ప్రసంగకర్తకు స్వాగతం పలికారు. సంగీతానికి సాహిత్యానికి విడదీయలేని సంబంధం ఉందనేది జగమెరిగిన సత్యం, అయితే సాహిత్యం వెంట సంగీతం పరుగిడుతుందా? లేక సంగీతపు నది మలుపుల్లో సాహిత్యం సేద తీరుతుందా? అనే విషయం కూలంకషంగా చర్చించి ఆహుతులచేత జయ జయ  ధ్వానాలు అందుకొన్నారు ముఖ్య అతిధి శ్రీ ప్రభల శ్రీనివాస్. ముఖ్య అతిధి శ్రీ ప్రభల శ్రీనివాస్ తమకే సొంత మైన అద్భుత గాత్రంతో,  త్యాగరాజు- అన్నమయ్యలే దిగివచ్చారా అన్నంత రీతిలో కీర్తనలు గానం చేసారు. మొదటగా పొన్నై పిళ్ళై గారు రాసిన “రంగ నాథుడే , అంతా రంగ నాథుడే , అంత రంగ నాథుడే” అనే కీర్తనతో కార్యక్రమం ప్రారంభించారు.  అందులో ఉండే పదాల గమ్మత్తు “అంతా “, “అంతః” అనే మాటలను అరవ కవి అయినా ఎంత చక్కగా ఉపయోగించు కొన్నారు , తెలుగు భాషపై తమిళల, మలయాళీ, కన్నడ ప్రజలకు ఎంత ప్రేమ ఉందో సోదాహరణముగ వివరించారు. మన అన్నమయ్య , త్యాగరాజు కృతులు వారు నిత్యం గానం చేస్తారని వారికి వందనాలు అర్పించారు. త్యాగరాజు గారి గురించి మాట్లాడక పోతే శాస్త్రీయ సంగీతం గురించి మాట్లాడడం అసంపూర్తి గా ఉంటుంది , ఆయన చేయని ప్రయోగం లేదు, కొన్ని లక్షల శిష్య కోటిని తయారు చేసారు , ప్రతిఫలాక్ష లేకుండా , తన సొంత ఇంటిలో భోజనం పెట్టి , సంగీత వరాలను నేటి తరాలకు పంచారు అని ప్రస్తుతించారు. ఆయన రచించిన “గంధము  పుయ్యరుగా “అనే పాటను ఆహుతులందరి చేతా పాడించారు. ఈ రోజుల్లో కూడా స్వరాల మీద , కొత్త కొత్త రాగల మీద ప్రయోగాలు చేసిన గొప్ప సంగీత విద్వాంసుడు శ్రీ మంగళంపల్లి బాల మురళి కృష్ణ గురించి ప్రస్తావించారు. ఈ కార్యక్రమంలో పాల్గొన్న ప్రతి ఒక్కరు శ్రీనివాస్ గారితో కలిసి గొంతు కలపడానికి ఎంతో ఉత్సాహము చూపించారు.  ఈ కార్యక్రమం ఒక ప్రసంగంలా కాకుండా, సాహిత్యపు కొలనుల్లో సంగీత లాహిరి గా సాగిపోవడం ఎంతైనా చెప్పుకోదగిన విశేషం.

ఉత్తర టెక్సస్ తెలుగు సంఘం (టాంటెక్స్) అధ్యక్షులు డా. ఊరిమిండి నరసింహారెడ్డి ,  ఉత్తరాధ్యక్షులు జొన్నలగడ్డ సుబ్రహ్మణ్యం సంయుక్తంగా ముఖ్య అతిధి శ్రీ ప్రభల శ్రీనివాస్ గారిని దుశ్శాలువతో, సమన్వయ కర్త దండ వెంకట్  మరియు సాహిత్య వేదిక బృందం జ్ఞాపిక తో సత్కరించారు. సమన్వయకర్త దండ వెంకట్ మాట్లాడుతూ తెలుగు భాషాభిమానులకు, సాహితీ ప్రియులకు కృతజ్ఞతలు తెలిపారు. ప్రత్యేక ప్రసార మాధ్యమాలైన దేశీ ప్లాజా, రేడియో ఖుషి మరియు ప్రసార మాధ్యమాలైన టీవీ9, టీవీ5, 6టీవీలకు కృతఙ్ఞతా పూర్వక అభివందనములు తెలియజేసారు. సంస్థ ఉపాధ్యక్షులు ఉప్పలపాటి కృష్ణా రెడ్డి , సoయుక్త కార్యదర్శి వీర్నపు చినసత్యం ఈ కార్యక్రమంలో పాల్గొన్నారు.

TANTEX_91st NNTV_02152015_Chinnarula Prarthana Geetham TANTEX_91st NNTV_02152015_Mukhya Athithi_Prabhala Srinivas TANTEX_91st NNTV_02152015_Prabhala Srinivas_Audience TANTEX_91st NNTV_02152015_Prabhala Srinivas_Gnaapika Pradhaanam TANTEX_91st NNTV_02152015_Prabhala Srinivas_Group Photo TANTEX_91st NNTV_02152015_Prabhala Srinivas_Pushpa Guchham TANTEX_91st NNTV_02152015_Prabhala Srinivas_Sahitya Vedika Brundam TANTEX_91st NNTV_02152015_Prabhala Srinivas_Shaluva Sanmaanam

కార్యక్రమం విశేషాలను చిత్రాల ద్వారా, ఈ క్రింది లంకె లో చూడండి.

http://tantex.smugmug.com/Other-1/Sahitya-Vedika/91st-Nela-Nela-Telugu-Vennela/47539589_2Jx79V#!i=3881856424&k=Tjq6dX9

SOCIAL

3,873FansLike
8FollowersFollow

SPECIALS

SHORT FILMS