Tags Posts tagged with "SPB"

SPB

0 1072

శనివారం, ఆగష్టు 29, 2015

ఉత్తర టెక్సస్ తెలుగు సంఘం (టాంటెక్స్) ప్రతిష్టాత్మకంగా చేపట్టి తెలుగు కళామతల్లికి “స్వరాభిషేకం” మహాయఙ్ఞాన్ని ఆలెన్ ఈవెంట్ సెంటర్ లో దిగ్విజయంగా నిర్వహించింది. డాలస్ లో ఒక తెలుగు సంగీత విభావరి ఇంత పెద్ద ఎత్తున జరగడం ఇదే ప్రప్రథమం. డాలస్ పరిసర ప్రాంతాలనుండి సంగీతాభిమానులు అధిక సంఖ్యలో ఈ సంగీత విభావరికి విచ్చేసి, జయప్రదం చేసారు.

టాంటెక్స్ అధ్యక్షులు డా. ఊరిమిండి నరసింహారెడ్డి సమన్వయకర్తగా ఈ కార్యక్రమం “నభూతో నభవిష్యతి” అన్నట్లు జరిగింగి. కార్యదర్శి ఆదిభట్ల మహేష్ ఆదిత్య విచ్చేసిన సంగీత ప్రియులను స్వాగతిస్తూ కార్యక్రమాన్ని ప్రారంభించారు. సాంస్కృతిక కార్యక్రమాల సమన్వయకర్త వనం జ్యోతి కార్యవర్గ మరియు పాలకమండలి సభ్యులను పరిచయం చేసి, పోషక దాతలను బాలు గారి చేతులమీదుగా అభినందనల పుష్పగుచ్చాలను అందుకోవలసిందిగా అహ్వానించారు.

ఉత్తర టెక్సస్ తెలుగు సంఘం ఆధ్వర్యం లో సగౌరవ సమర్పణ ఈ వినూత్న సంగీత విభావరి. ఈ టీవీ ద్వారా భారతదేశం లో నాలుగు లేదా అయిదు భాగాలుగా ప్రసారంకానున్న ఈ కార్యక్రమం లో శ్రీ ఎస్. పి. బాల సుబ్రహ్మణ్యంతో పాటు ప్రముఖ నేపథ్య గాయనీ గాయకులు మనో, సునీత, ఎస్. పి. చరణ్, గీతామాధురి, మాళవిక, శ్రావణ భార్గవి, హేమచంద్ర, శ్రుతి, హారిక, కార్తిక్, ప్రవీణ్ తదితరులు పాల్గొని ఆహూతులను స్వర ఝరిలో ముంచెత్తారు. పాత కొత్తల మేళవింపుగా పాటల ఎంపిక ఆనాటి ‘ఉండమ్మా బొట్టు పెడతా ‘ సినిమా లో సున్నిత భావాలను రమ్యంగా చెప్పిన ‘చుక్కలతో చెప్పాలని ఉంది” లాంటి పాటలనుండి, ఈనాటి గబ్బర్ సింగ్ సినిమా నుండి “గన్నులాంటి కన్నులున్న జున్ను లాంటి పిల్లా” వరకూ ఉండి, విభావరి ఆద్యంతం ఆసక్తికరంగా సాగింది. హేమచంద్ర పాడిన “రసికరాజ తగువారముగామా”, బాలు గారు ఆలపించిన “చట్టానికి న్యాయానికి జరిగే ఈ సమరంలో” కార్యక్రమం లో కొసమెరుపుగా నిలిచాయి.

అధ్యక్షులు డా. ఊరిమిండి నరసింహారెడ్డి మాట్లాడుతూ, డాలస్ చరిత్ర లో 3500 మంది పైగా తెలుగువారితో అన్ని జాతీయ మరియు స్థానిక అనుబంధ సంస్థలతో కలిసి ఇంత మహత్తర కార్యక్రమాన్ని టాంటెక్స్ సంస్థ ఆధ్వర్యంలో చేయడం, తాను ఈసంవత్సరానికిగాను ఎన్నుకున్న పది సూత్రాలలో ఒకటైన “సంస్థ పరిధిలో ఉన్న తెలుగు వారి మధ్య సఖ్యత పెంచడం” అనే సంకల్పం ఇలా కార్యరూపంలో కళ్ళముందు కనిపిస్తుంటే మహదానందంగా ఉందన్నారు. ఇంతటి భారీ కార్యక్రమం విజయవంతం కావాలంటే పోషకదాతలు, స్వచ్చంద సేవకులు ఎంత ముఖ్యమో, ప్రేక్షకులుగా మీ అందరి ఆదరణా అంతే అవసరం అంటూ కృతఙ్ఞతలు తెలిపారు.

మధురంగా పాడటమే కాకుండా, కార్యక్రమానికి వ్యాఖ్యాతగా వ్యవహరించిన గాయని సునీత మాట్లాడుతూ, ఇంత పెద్ద సభాప్రాంగణం నిండుగా కళకళ లాడుతూ ఉండటమే కాకుండా, దాదాపు నాలుగు వేలమంది తెలుగువారు అన్ని వయసులవారూ ఉండటం మనసుకు ఎంతో ఆనందాన్నిస్తూంది అన్నారు.

Swarabhishekam - Artists and Tantex Team Swarabhishekam - Group2 Swarabhishekam - Singers at TANTEX Swarabhishekam - TANTEX Team Swarabhishekam - TANTEX Team1 TANTEX Swarabhishekam - Group1 TANTEX Swarabhishekam - Group3 TANTEX Swarabhishekam - Poshakulu TANTEX Swarabhishekam - singers and team TANTEX Swarabhishekam - Singing TANTEX Swarabhishekam - Singing1 TANTEX Swarabhishekam

ఈ-టివి తరపున టాంటెక్స్ అధ్యక్షులు డా.ఊరిమిండి నరసింహారెడ్డి ని సన్మానిస్తూ బాలు గారు ఇంతటి కార్యక్రమాన్ని సక్రమంగా నిర్వహించినందుకు, ముఖ్యంగా విమానం దిగినప్పటినుండి ఇప్పటివరకూ వసతి సదుపాయాలూ, సౌకర్యాలు, వేళకు వేడి వేడి టీ – కాఫీలు, కమ్మని భోజనం ఏ లోటూ రాకుండా ఎంతో చక్కగా ఏర్పాటు చేసినందుకు గాయనీ గాయకుల తరపున, అలాగే ఈ-టివి బృందం తరపున అభినందించారు. “నేను ఒక చిన్న విద్యార్థిని మాత్రమే, నేనూ ఈ బృందం లో ఒక గాయకుడిని మాత్రమే”, “నేను విశ్వ మానవుడిని, మీ గుండె నా ఇల్లు” అని బాలు గారు తన ఔన్నత్యాన్ని మరొక్కమారు ప్రదర్శించారు.

గాయనీ గాయకులు, పోషకదాతల గౌరవార్ధం ముందు రోజు టాంటెక్స్ వారు ఏర్పాటు చేసిన విందులో పోషకదాతలు ప్రతి ఒక్కరిని పేరు పేరునా గుర్తించి, బాలు గారి చేతులమీదుగా ఙ్ఞాపికలు అందజేసి వారి వదాన్యతను కొనియాడారు. డైమండ్, ప్రీమియర్, ప్రెజెంటింగ్ మరియు ఈవెంట్ స్పాన్సర్ విభాగాలుగా మొత్తం డెబ్బయి మంది పోషకదాతలు మరియు వందకు పైగా స్వచ్చంద సేవకులు పాల్గొన్న ఈ విందులో, టాంటెక్స్ ఆధ్వర్యంలో జరుగుతున్న ‘స్వరమంజరి ‘ పాటల పోటీ లో పాల్గొంటున్న ఔత్సాహికులైన గాయనీ గాయకులకు, చిన్నారులకోసం టాంటెక్స్ నిర్వహించిన ‘వసంత గాన సౌరభం ‘ లో పాల్గొన్న చిన్నారులకు, అలాగే డాలస్ నుండి ఈ-టివి వారి పాడుతా తీయగా లో పాల్గొన్న పిల్లలకూ ఆ గానగంధర్వుడి సమక్షంలో పాడే అవకాశం దక్కింది.

ఉత్తర టెక్సస్ తెలుగు సంఘం (టాంటెక్స్) అధ్యక్షులు డా.ఊరిమిండి నరసింహారెడ్డి, ఉత్తరాధ్యక్షులు సుబ్రహ్మణ్యం జొన్నలగడ్డ, కార్యవర్గ మరియు పాలకమండలి సభ్యులు సంయుక్తంగా గాయనీ గాయకులను సన్మానించారు. వందన సమర్పణ చేస్తూ కార్యవర్గ సభ్యులు గజ్జెల రఘు మాట్లాడుతూ కార్యక్రమాన్ని జయప్రదం చేసిన సంగీత ప్రియులకు, పోషకదాతలకు, స్వచ్చంద సేవకులకు   కృతజ్ఞతలు తెలిపారు. ప్రత్యేక ప్రసార మాధ్యమాలైన దేశీ ప్లాజా, రేడియో ఖుషి మరియు ప్రసార మాధ్యమాలైన యువ రేడియో, టీవీ9, టీవీ5, సీవీఆర్ టీవీ, 6టీవీలకు కృతఙ్ఞతా పూర్వక అభివందనములు తెలియజేసారు.

0 1327

నార్త్ అమెరికా తెలుగు సొసైటీ (నాట్స్) ఆధ్వర్యంలో ETV స్వరాభిషేకం సంగీత విభావరి మనోహరమైన గేయాలతో వీనులవిందు చేస్తూ అత్యంత వైభవంగా జరిగింది.  ఆదివారం ఆగస్టు 23 న స్థానిక షానీమిషన్ నార్త్ వెస్ట్ హైస్కూల్ ఆడిటోరియంలో ఈ కార్యక్రమానికి వెల్లువెత్తిన ప్రవాస తెలుగువారిని చూస్తే, సంగీతానికి ఉన్న అనిర్వచనీయమైన శక్తి ఏమిటో అర్థమవుతుంది. దాదాపు వెయ్యి మంది పైగా ఆహుతుల మధ్య ఈ స్వరాభిషేకం కార్యక్రమం కాన్సస్ రాష్ట్రంలోనే అత్యంత జనాదరణ పొందిన తెలుగు సంగీత విభావరిగా నిలచింది.  ముఖ్యంగా బాలుగారు స్వయంగా పాటలను పాడి తరువాత విశ్లేషిస్తూ, తన గత స్మృతులను సభకు విచ్చేసిన అందరితో పంచుకోవడం అంటే నిజంగా అది ఒక మధురానిభూతి.

ఈ కార్యక్రమంలో పద్మభూషణ్ శ్రీ ఎస్పీ బాలసుబ్రహ్మణ్యం, నాగూర్ బాబు (మనో), సునీత, ఎస్పీ చరణ్, గీతామాధురి, శ్రావణభార్గవి, మాళవిక, హేమ చంద్ర, శృతి, హారిక తదితరులు 80 సంవత్సరాల తెలుగు సినిమా ప్రస్థానంలో ఆణిముత్యాల్లాంటి శ్రావ్యమైన పాటలను  తమ సుమధుర గాత్రంలో ఆలపించి కాన్సస్ నగర తెలుగు వారిని మంత్రముగ్ధుల్ని చేశారు.  గాయని సునీత వ్యాఖ్యానంలో ఆద్యంతం సుస్వరాల సంగీత జల్లులతో దాదాపు మూడు గంటల పాటు తెలుగు పాటల లోకంలో  వెల్లువెత్తిన సంగీత ప్రవాహం తెలుగువారిని తన్మయత్వంలో ముంచెత్తింది.

ప్రపంచవ్యాప్తంగా కోట్లాది సంగీత ప్రియుల హృదయాలను దోచుకుంటున్న ETV స్వరాభిషేకం కార్యక్రమాన్ని కాన్సస్ నగర పరిసరప్రాంతాల తెలుగు వారి కోసం నాట్స్ ప్రత్యేకంగా సమర్పించింది.  ఈ కార్యక్రమంలో నాట్స్ బోర్డ్ ఆఫ్ డైరెక్టర్స్ శ్రీనివాస్ కోనేరు, నేషనల్ ఫండ్ రైజింగ్ డైరెక్టర్ వెంకట్ కొల్లి,  సెయింట్ లూయీస్ ప్రతినిధి బృంద సభ్యులు నేషనల్ జాయింట్ ట్రెజరర్ శ్రీనివాస్ మంచికలపూడి, శివకృష్ణ మామిళ్ళపల్లి  తదితరులు పాల్గొన్నారు. భాషే రమ్యం, సేవే గమ్యంగా అమెరికాలో తెలుగు జాతి ఐక్యత,తెలుగు భాష, సంస్కృతి కోసం నాట్స్ అహర్నిశలు చేస్తున్న  కృషి ని వివరిస్తూ నాట్స్ చేసిన పలు సేవా కార్యక్రమాల గురించి రవి గుమ్మడిపూడి, శ్రీనివాస్ కోనేరు సవివరంగా సభికులకు తెలియచేసారు.

ఈ సేవలు స్థానిక తెలుగు వారికి మరింత చేరువయ్యేలా కాన్సస్ నగర చాప్టర్ ను ప్రారంభిస్తున్నట్లు ఆహుతుల హర్షధ్వానాల మధ్య శ్రీనివాస్ మంచికలపూడి  ప్రకటించారు. కాన్సస్ సమన్వయకర్త రవి గుమ్మడిపూడి నాట్స్ సేవా బృందాన్ని సభికులకు పరిచయంచేశారు . ఈ కార్యక్రమంలో రవి ఆయసోల,  ప్రకాష్ నారాయణ్, వెంకట్ మంత్రి, రాజ గోపాలుని, సురేందర్ మందుల  ప్రభ్రుతులు, నాట్స్ విద్యార్థి సేవాదళం కార్యకర్తలు పెద్ద సంఖ్యలో పాల్గొన్నారు. నాట్స్ కార్యక్రమాలకు మద్దతుగా స్థానిక భారతీయ సంఘాల ప్రతినిధులు మేము సైతమంటూ ముందుకొచ్చారు. కార్యక్రమాన్ని జయప్రదం చేసిన అందరికీ రవి గుమ్మడిపూడి ధన్యవాదాలు తెలియచేశారు.

swarabhishekam-in-kansas-in-a-grand-way-by-etv and nats (1) swarabhishekam-in-kansas-in-a-grand-way-by-etv and nats (2) swarabhishekam-in-kansas-in-a-grand-way-by-etv and nats (3) swarabhishekam-in-kansas-in-a-grand-way-by-etv and nats (4) swarabhishekam-in-kansas-in-a-grand-way-by-etv and nats (5) swarabhishekam-in-kansas-in-a-grand-way-by-etv and nats (6) swarabhishekam-in-kansas-in-a-grand-way-by-etv and nats (7) swarabhishekam-in-kansas-in-a-grand-way-by-etv and nats (8) swarabhishekam-in-kansas-in-a-grand-way-by-etv and nats (9) swarabhishekam-in-kansas-in-a-grand-way-by-etv and nats (10)

0 1127

‘స్వరాభిషేకం’ ఈ-టీవీ ప్రసారం చేస్తున్న విశేష ధారావాహిక. కోట్లాది తెలుగు హృదయాలలో సుస్థిర స్థానం సంపాదించుకొన్న ప్రతిష్ఠాత్మకమైన కార్యక్రమం. సుమారు 80 సంవత్సరాల తెలుగు సినిమా ప్రస్థానంలో తయారైన ఎన్నో వేల పాటల్లోని ఆణిముత్యాల వంటి తెలుగు సినిమా పాటల్ని నాటి, నేటి తరం గాయకుల ద్వారా పాడించి వినిపించడం ఈ కార్యక్రమ ముఖ్య ఉద్దేశం.

సినీసంగీత వినీలాకాశంలో విరిసిన పాటల్లో ఎన్నో భావాలు, బంధాలు, అనుబంధాలు పల్లవించి, పల్లవులై పరిమళించి, చరణాలుగా మనసుల్లో వెన్నెల కిరణాలు కురిపించించిన మధుర మధురమైన అజరామర గీతాలలోంచి కొన్ని మేలిముత్యాల్లాంటి పాటలను ఎంచి ఆ పాటలను పాడినవారే స్వయంగా సుమధుర గాత్రాలతో మీ కళ్ళెదురుగా పాడి వినిపించి మిమ్మల్ని మైమరపింపచేసే అపురూప ఘట్టం మీకోసం టాంటెక్స్ సమర్పిస్తున్న రాగాభిషేకం ఈ సుమధుర స్వరాభిషేకం…ఇది ఒక మహా యజ్ఞం.
డాలస్ ప్రాంతపు తెలుగు వారికి అపూర్వ కానుక!


అన్నీ జాతీయ తెలుగు మరియు స్థానిక అనుబంధ సంస్థల సహకారంతో 4600 మంది తెలుగు వారు, 40 మంది కళాకారుల అపూర్వ సంగమం. మన తెలుగు వారికి టాంటెక్స్ అందిస్తున్న మహాకానుక! రండి. ఈరోజే మీ టిక్కెట్లను ఈ క్రింది లంకెలలో కొని కార్యక్రమానికి సిద్ధం కండి.
www.tantex.org
www.desiplaza.us
www.eknazar.com
www.mydealshub.com
www.sulekha.com

tantex-swarabhishekam-in-dallas-29-aug-2015 tantex-swarabhishekam-in-dallas-29-aug-2015

0 1193

TCA presenting prestigious summer event “Swarabhishekam” – The sensational singers in this Marathon Mega Musical Show will be Dr. S.P. Balasubrahmanyam, Mano, SP Charan, Sunitha, Hemachandra, Geetha Madhuri, Sravana Bhargavi, and Malavika. 

ETV Swarabhishekam LIVE IN CONCERT on Sunday, August 30th 2015 at 4:00 PM Stafford Centre (New), 10505 Cash Road, Stafford TX 77477

ETV Swarabhishekam LIVE IN CONCERT on Sunday, August 30th 2015

0 1211

ఇర్వింగ్, టెక్సాస్: ఆగస్ట్ 9: ఉత్తర అమెరికా తెలుగు సంఘం (నాట్స్) , డల్లాస్ చాప్టర్ ఆధ్వర్యంలో పీపుల్స్ మీడియా వారి సహకారంతో గాన గంధర్వుడు ఎస్ పి  బాలసుబ్రహ్మణ్యం గారు సమర్పించిన ఈ-టీవీ పాడుతా తీయగా కార్యక్రమం లో అంతిమ పోరు ( గ్రాండ్ ఫినాలే ) ని ఆదివారం ఆగస్ట్ 9 తేదీన, ఇర్వింగ్, టెక్సాస్ లోని మెక్ ఆర్థర్ స్కూల్ లో నిర్వహించారు. చాలా ఏళ్ళుగా భారతదేశంలో విజయవంతంగా నిర్వహిస్తూ, ఎందరో ఔత్సాహికులైన కళాకారులను వెలికి తెచ్చిన ఘనత పాడుతా తీయగా కార్యక్రమానికి ఉంది. అలాగే అమెరికాలో తెలుగు సంగీత శిక్షణ పొందుతున్న ఉత్సాహవంతులైన బాల బాలికలను గుర్తించి మరింతగా ప్రోత్సహించే ఉద్దేశ్యంతో గత మూడేళ్ళుగా అమెరికాలోనే ఈ కార్యక్రమాన్ని నిర్వహిస్తున్నారు. మొదటి సిరీస్ 2013 లో డల్లాస్ లో జరిగిన నాట్స్ అమెరికా సంబరాలు లో కన్నుల పండుగ గా జరుపుకొన్నారు.  ఈ సంవత్సరం కూడా నాట్స్ ఆధ్వ్యర్యంలో పీపుల్స్ మీడియా  సహకారమతో డల్లాస్ లోనే జరగటం విశేషం.

ముందుగా అభ్యర్ధులు పంపిన ఆడియో , వీడియో క్లిప్పింగ్స్ పరిశీలించి బాలు గారు 17 మందిని పోటీకి అర్హులుగా ఎంపిక చేసారు . మొదటి విడత పోటీలు అమెరికాలోని వివిధ నగరాలలో జరగగా , చివరకు 5 గురిని శనివారం  జరిగిన ఫైనల్స్ కు ఎంపిక చేసారు. అత్యంత ఉత్సాహంగా సాగిన పోటీలో చివరకు నలుగురిని ఎంపిక చేసి ఆదివారం జరిగిన అంతిమ పోరుకు  అర్హులుగా నిర్ణయించారు
ఈ  కార్యక్రమానికి న్యాయ నిర్ణేతలుగా బాలు గారు, ప్రముఖ సంగీత దర్శకులు ఆర్ పి  పట్నాయక్, ప్రసిద్ధ గాయకుడు మనో వ్యవహరించారు. కార్యక్రమ ప్రారంభంలో  లో డా .బిందు కొల్లి గారు బాలు గారిని వేదిక పైకి ఆహ్వానించారు. తదుపరి బాలు గారు కార్యక్రమ స్పాన్సర్స్ ను పరిచయం చేసి పోటీని ఆరంభించారు. ఈ అంతిమ పోరును సాంప్రదాయ గీతాలు, సినీ గీతాలు, శాస్త్రీయ సంగీతం ఉన్న సినీ గీతాలు అనే విభాగాలలో నిర్వహించారు.
పోటీలో పాల్గొన్న బాల బాలికలు సంక్లిష్టమైన, సంస్కృత పదాలతో కూడిన పాత చిత్రాలలోని గీతాలను అత్యద్భుతంగా పాడి ‘వారెవా’ అనిపించారు. అమెరికాలో ఉంటూ తెలుగు నేర్చుకోవటమే గాక , శాస్త్రీయ సంగీతభరితమైన పాటలను అలవోకగా పాడి వినిపించినందుకు, బాలు గారు, మనో గారు, పట్నాయక్ గారు పిల్లలను అభినందించారు. పోటీలో ప్రధమ, ద్వితీయ, తృతీయ స్థానం పొందిన విజేతలకు యుప్ టీవీ వారి తరపున వరుసగా  10,000, 5,000, 2,500 డాలర్లు నగదు బహుమతి , జ్ఞాపిక, సర్టిఫికెట్లు అందచేసారు .

 
తమ తుది ప్రసంగంలో బాలు గారు ఈ టీవీ పాడుతా తీయగా కార్యక్రమాన్ని అమెరికాలో సమర్పిస్తున్న పీపుల్స్ మీడియా వారిని, నిర్వహించిన నాట్స్ వాలంటీర్లను, పోషక దాతలను  పేరు పేరునా అభినందించారు.
నాట్స్ సభ్యులు కోనేరు శ్రీనివాస్, నాట్స్ ఆవిర్భావం గురించి, హెల్ప్ లైన్ గురించి వివరించి, కార్యక్రమం  విజయవంతం చేయడానికి తోడ్పడిన అందరికీ కృతఙ్ఞతలు తెలిపారు. నాట్స్ డల్లాస్ చాప్టర్ బృంద సభ్యులు వెలమూరి విజయ్, కోగంటి రామకృష్ణ, కొల్లి వెంకట్, కొల్లి బిందు, వెంకట్ కొడాలి , ఉమా అట్లూరి , అన్నే అమర్, అన్నే శేఖర్, నూతి బాపు, గోవాడ అజయ్, మాదాల రాజేంద్ర, కావూరి శ్రీనివాస్, మర్నేని రామకృష్ణ, నిమ్మగడ్డ రామకృష్ణ, ధూలిపాళ్ల సురేంద్ర, కంచర్ల  చైతన్య, వీరగంధం కిశోర్, వీణా యలమంచిలి కార్యక్రమం  దిగ్విజయం కావడానికి  విశేషం గా కృషి  చేసారు.

padutha teyaga usa season 3 grand finals 1 padutha teyaga usa season 3 grand finals 2 padutha teyaga usa season 3 grand finals 3 padutha teyaga usa season 3 grand finals

0 1177

ఆయనని చూడటం సంతోషం, ఒక ఫోటో తీసుకోవటం భాగ్యం, మాట్లాడటం అదృష్టం, మరి వారం రోజుల పాటు ఆయనతో ప్రయాణం? ఏమని చెప్పను, ఒక్క మాటలో అది నా మహాభాగ్యం .

ఎస్ పి బాల సుబ్రహ్మణ్యం గారి పేరు వినని వారు గానీ , అయన పాట వినని తెలుగువారు గానీ వుండరు. వారితో ఒక వారం రోజులు వుండి సేవలు చేసే మహాభాగ్యం మాకు దక్కింది.

నాతో బాలు గారు పంచుకున్న, నేను తెలుసుకున్న కొన్ని విశేషాలను మర్చిపోకుండా మరియు స్నేహితులతో, ఆప్తులతో పంచుకోవాలని ఇక్కడ వ్రాస్తున్నాను –

1) సమయ పరిపాలన (Time Management) – సమయానికి అయన ఇచ్చే విలువ అనిర్వచనీయం. కార్యక్రమం ఉదయం 11గం , కానీ వారు ఉదయం 9:30 గం లకే వేదిక దగ్గరికి వచ్చి అక్కడే అల్పాహారాన్ని కూడా తీసుకున్నారు. చివరి నిమిషం లో ఎటువంటి ఇబ్బందులు వస్తాయో తెలియవు కదా, అందుకే ముందు రావాలి అని చెప్పారు. ఉదాహరణగా చాలా రోజుల క్రింద జరిగిన ఒక సంఘటనని కళ్ళకు కట్టినట్టు చెప్పారు – దీదీ (లతా మంగేష్కర్ గారు) ఒక కార్యక్రమం చేస్తున్నప్పుడు ఆ కార్యక్రమ ముఖ్య నిర్వాహనాధికారి వచ్చి అందరు రావటానికి కొంచెం సమయం అవుతుంది కాబట్టి ఒక 30 నిముషాలు ఆలస్యంగా మొదలుపెడదాం అంటే 5 నిముషాలు ముందే కార్యక్రమం మొదలు పెట్టి, భారతీయులందరికీ సమయ పాలన లేదని ఎవరూ అనుకోకూడదు అని చెప్పారంట.

2) కార్యదక్షత(Dedication) – చేసే పని మీద శ్రద్ద చాలా అవసరం అని తెలుసుకోవటానికి ఆయనతో కొంచంసేపు వుంటే చాలు. ఎంతో పని ఒత్తిడితో ప్రయాణం చేస్తూ కూడా ఆయన తమతో ప్రయాణించే recording studio తెచ్చి సమయం దొరికినప్పుడల్లా ఒక పాట రికార్డు చేస్తున్నారు. ఈ మైక్ కావాలి, ఈ రికార్డింగ్ మిక్సర్ కావాలి అని లేదు, ఏది సమయానికి అందుబాటులో వుంటే దానితో పని చేస్తారు. నేను నేర్చుకున్న విషయం – చెయ్యాలి అనే తపన వుంటే చెయ్యొచ్చు, చెయ్యలేకపోవటానికి కావాలి కారణాలు .
3) జ్ఞాపకశక్తి / విషయ పరిజ్ఞానం (Memory & Knowledge) – ఇది నేను చెప్పనవసరంలేదు, మీ అందరికీ తెలుసు బాలు గారి విషయ పరిజ్ఞానం గురించి, అయన చెప్పే విషయాలను అలా అలా పైపైన చెప్పరు, ఎప్పుడో జరిగినదానిని కూడా నిన్ననే జరిగినట్టు గుర్తుంచుకుని చెప్తారు. నేననుకుంటున్నాను “మంచి విషయాలని అప్పుడప్పుడూ చెప్పుకుంటే, తలచుకుంటూ వుంటే ఎప్పటికీ మరచిపోము” అని.

4) దైనందిక ప్రణాళిక (Day to Day Planning) – ఈరోజు వీరితో మాట్లాడాలి, ఇది చదవాలి, ఎవరినో రమ్మని చెప్పాను, వాళ్ళు ఇన్ని గంటలకు వస్తారు, ఇన్ని గంటలకు ఇక్కడికి వెళ్ళాలి ఎవరితో వెళ్ళాలి – అనే ప్రతి విషయం లోకూడా ఎంతో స్పష్టత. ఎప్పుడో ఎక్కడో చదివాను “ఆ కంపెనీ అధికారి ప్రతిరోజు ఆ రోజు చెయ్యవలసిన పనులను ప్రతి రోజు చూసుకుని ఆ రోజు మొదలుపెడతారు మళ్ళి రేపటి రోజు ఏమి చెయ్యాలి అని చూసుకుని పడుకుంటారు” అని, అది ఇక్కడ ప్రత్యక్షంగా చూసాను.

5) నేర్చుకోవటం (Learning Everyday) – కారులో వెళ్తూ, వస్తూ చక్కగా సందర్భానుసారంగా ఒక పాట పాడి, ఆ పాట వెనుక వున్న సంఘటన, రికార్డు చేసిన నేపధ్యం, ఆ పాట రచయిత దగ్గర నేర్చుకున్న విషయాలు చక్కగా వివరించేవారు. అందరికి అన్ని తెలియవు, ఎల్లప్పుడూ నేర్చుకుంటూ వుండాలి , తెలియకపోతే తెలిసినవాళ్ళని అడిగి తెలుసుకోవాలి అని చెప్పారు.

చాగంటి కోటేశ్వర రావు గారి గురించి, సామవేదం షణ్ముఖ శర్మ గారి గురించి, ఇళయరాజా గారు, కమల్ హాసన్ గారు, జంధ్యాల గారు, పి వి నరసింహారావు గారు, జానకమ్మ, సుశీలమ్మ, వాణి జయరాం గారి గురించి, లతా మంగేష్కర్ గారి గురించి, ఇంకా చాలా స్నేహితుల గురించి అయన అనుభవాలను పంచుకున్నారు.

ఒకసారి నడుస్తూ వుంటే (లాస్ ఏంజెల్స్ నగరం లో) ఎదురుగ వచ్చిన వ్యక్తి ‘హలో’ అన్నారు, బాలు గారు కూడా ‘హలో’ చెప్పి – ఇక్కడ చక్కగా పలుకరించుకుంటూ ఉంటారండి అన్నారు. ఇది అయన సునిశిత గ్రహణ శక్తికి నిదర్శనం, ఎదుటివారికి ఇచ్చే విలువలకి నిదర్శనం.

బాలు గారితో మాట్లాడుతూ వుంటే, ‘అయన’ కుటుంబం, పిల్లలు, ఎవరూ గుర్తుకు రారు ఎందుకో తెలుసా ? మాట్లాడినంతసేపు ఆయన మన కుటుంబంలో కలసిపోతారు కనుక. మేఘాలు వస్తూ పోతూ వుంటాయి, మనం వాటిని చూసి ఆనందించగలం అంతేకాని వాటిని పట్టుకుని ఉండలేం, “గంధర్వులు అంటే భూమికి దగ్గరగా తిరిగే దేవతలు అని విన్నాను” కానీ బాలు గారు మనకోసం దిగివచ్చిన, పాటల మేఘాలను భూమికి తెచ్చిన, సంగీతానికీ వన్నె తెచ్చిన
“గాన గంధర్వుడు”

పోదున్నే ఒక విషాదకరమైన వార్త ‘కలాం గారు పైలోకాలకు వెళ్లి పోయారు” అని – బాలు గారు చాలా బాధ పడి, అయన కాకపోతే ఇంకెవరు పైలోకాలలో సంతోషంగా వుంటారు అన్నారు. కలాం గారితో అయన అనుబంధాన్ని నెమరవేసుకున్నారు.

ఇంకా చెప్తూ పోతే అంతులేదు బాలు గారితో ఒక వారంలో నేర్చుకున్న, తెలుసుకున్న విషయాలు, మరువలేని విశేషాలు ఎన్నెన్నో ……….

telugu community news - SPB

0 1661

ఇర్వింగ్, టెక్సాస్: ఆగస్ట్ 8:  ఉత్తర అమెరికా తెలుగు సంఘం (నాట్స్) , డల్లాస్ చాప్టర్ ఆధ్వర్యంలో పీపుల్స్ మీడియా వారి సహకారంతో గాన గంధర్వుడు ఎస్ పి బాలసుబ్రహ్మణ్యం గారు సమర్పించిన ఈ-టీవీ

‘పాడుతా తీయగా’ కార్యక్రమం 2015 లో భాగంగా తుది పోరు  (ఫైనల్స్ ), అంతిమ పోరు ( గ్రాండ్ ఫినాలే ) ని ఈ శనివారం , ఆదివారం (ఆగస్ట్ 8,9 తేదీలలో) , ఇర్వింగ్,టెక్సాస్ లోని మెక్ ఆర్థర్ హైస్కూల్ లో నిర్వహిస్తున్నారు.

 

చాలా ఏళ్ళుగా భారతదేశంలో విజయవంతంగా నిర్వహిస్తూ, ఎందరో ఔత్సాహికులైన కళాకారులను వెలికి తెచ్చిన ఘనత ఉన్న ‘పాడుతా తీయగా’ కార్యక్రమాన్ని,  గత రెండేళ్ళుగా, ఈ టీవీ వారు అమెరికాలో కూడా నిర్వహిస్తూ ఇక్కడ శిక్షణ పొందుతున్న చిన్నారులలో కూడా మేటి వారిని ఎంపిక చేసి ప్రోత్సహిస్తున్నారు

 

గత కొద్ది నెలలుగా అమెరికా లోని అన్ని పెద్ద నగరాలలో 13 నుండీ 16 ఏళ్ల మధ్య పిల్లలకు జరిగిన పోటీలలో నెగ్గిన బాల బాలికలు శనివారం జరిగిన తుది పోరులో తలపడ్డారు. ఈ  కార్యక్రమం లో న్యాయ నిర్ణేతలుగా బాలు గారితో పాటు ప్రముఖ సంగీత దర్శకులు ఆర్ పి  పట్నాయక్, ప్రసిద్ధ గాయకుడు మనో వ్యవహరించారు

padutha-teyaga-2015-grand-finale-in-texas

సంప్రదాయ రీతి, మధుర గీతాలు, ఉల్లాస భరిత గీతాలు అనే మూడు విభిన్న అంశాలలో అత్యంత ఆసక్తికరంగా సాగిన పోటీలో అయిదుగురు చిన్నారులు తమ గానలహరి తో ప్రేక్షకులను పరవశింప  చేసారు. న్యాయ నిర్ణేతలు తమ చక్కటి విశ్లేషణతో పిల్లలను ప్రోత్సహిస్తూనే వారికి సాధన ద్వారా తమ గాత్రాన్ని మరింత మెరుగు పరుచుకునేందుకు తగిన సూచనలు చేసారు.

 

ఉదయం 11 గంటలకు ప్రారంభమైన కార్యక్రమం లో  బాలు గారు, కార్యక్రమ ఉద్దేశ్యాన్ని , పోటీ నియమ నిబంధనలను ప్రేక్షకులకు వివరించారు. తదుపరి బాలు గారు కార్యక్రమ స్పాన్సర్స్ ను పరిచయం చేసి పోటీని ప్రారంభించారు.

మొదటి పోటీ సంప్రదాయ సంగీతం లో   త్యాగయ్య , అన్నమాచార్యులు , ఇతర వాగ్గేయకారుల  గీతాలను పాడి అలరించారు. మధ్యాహ్నం మూడు గంటలకు ప్రారంభమైన రెండవ అంకం లో .పది పదిహేనేళ్ళ క్రితం చిత్రాలలోని మధుర గీతాలను మనోహరంగా ఆలపించారు. న్యాయ నిర్ణేత మనో, సంగీత  దర్శకులు ఆర్ పి  పట్నాయక్ తమ విశ్లేషణ లో అమెరికాలో పెరుగుతూ ఇక్కడ గురువుల వద్ద శిక్షణ పొందుతూ మనోహరంగా గానం చేస్తున్న చిన్నారులను అభినందించారు. సాయంత్రం 6 గంటలకు మొదలైన మూడవది, చివరి అంకంలో హోరా హోరీ  గా జరిగిన పోటీలో ఫాస్ట్ బీట్ పాటలు పాడి తాము ఎలాంటి పాటలైనా పాడి మెప్పించగలమని నిరూపించారు. రసవత్తరంగా ముగిసిన ఈ తుది ఘట్టం చివర ఎవరు గెలుపొందుతారో అని అందరిలో ఉత్కంఠ  కలిగించారు.

 

కార్యక్రమం మధ్య మధ్య,  బాలు గారు, మనో గారు చేసిన చమత్కార సంభాషణ హాస్య గుళికల వలె ప్రేక్షకులకు నవ్వు తెప్పించింది. మనో గారి హరిశ్చంద్రోపాఖ్యానం ఇతర నాటక పద్యాలు రక్తి కట్టించాయి.

 

రేపు ఆదివారం జరగబోయే అంతిమ పోరు లో  శనివారం నెగ్గిన నలుగురు పిల్లల మధ్య పోరు మరింత హుషారుగా , పోటా పోటీ గా ఉండబోతుందని అందరూ భావిస్తున్నారు.  డల్లాస్, పరిసర నగరాలలోని తెలుగు ప్రజలు ఆదివారం కార్యక్రమానికి హాజరై ఈ రియాల్టీ షో ని కనులారా తిలకించే సదవకాశాన్ని  వినియోగించుకోవలసిందిగా  ‘నాట్స్’ వారు కోరుతున్నారు.

0 1572
Padutha theeyaga GrandFinals in Dallas on 8th & 9th Aug 2015
Padutha theeyaga GrandFinals in Dallas on 8th & 9th Aug 2015

NATS in association with People Media is bringing one more great event to Dallas , The super hit “Paadutha Theeyaga ” Grand Finals are going to happen in Dallas on Aug 8th and 9th … A great show that has been running for years and is responsible for identifying & introducing a lot of new talent to the music industry. Don’t miss it.

 

Book [email protected] http://bit.ly/Dallas-GrandFinale-Event-Tickets
@Sulekha: Aug 8th: http://bit.ly/Dallas-8thAug-GrandFinale-Tickets-PaduthaThee…
Aug 9th: http://bit.ly/Dallas-GrandFinale-9thAugust-Tickets-PaduthaT…

 

Padutha theeyaga GrandFinals in Dallas on 8th & 9th Aug 2015
Padutha theeyaga GrandFinals in Dallas on 8th & 9th Aug 2015

Padutha Teeyaga Season 3 Quarter Finals in Los Angeles on 07/25/15 and 7/26/15 – Practice session

Please DONT MISS the event, lets all come to the show and encourage the contestants. Here are 2 variations of a song during the practice – exclusive coverage by Telugu Community News

Click the link below to see special offers on tickets.
Special Offer: Buy 3 VIP Tickets Get 1 Free, Buy 2 Regular Tickets Get 2 Free.
Buy Tickets on PeopleMedia
Buy Tickets on Sulekha

Venue: East Valley High School
5525 Vineland Ave, North Hollywood, CA 91601

9b16c12e4ce857fecd5bb36d7aa7fbc0


Paduta Teeyaga in Los Angeles - Season 3 Quarter finals

SOCIAL

3,873FansLike
8FollowersFollow

SPECIALS

SHORT FILMS