బ్రిటిష్ సౌత్ ఇండియన్ కౌన్సిల్ ఆఫ్ కామర్స్(BSICC) మరియు తెలంగాణా ఎన్నారై ఫోరమ్ (TeNF) -యూకే శాఖ సంయుక్తంగా లండన్ లోని బ్రిటిష్ పార్లమెంట్ లో “బ్రిటిష్ సౌత్ ఇండియన్ బిజినెస్ మీట్” (British South Indian Business Meet)నిర్వహించడం జరిగింది.

ఈ కార్యక్రమంలో తెలంగాణా, ఆంధ్ర, తమిళనాడు, కర్నాటక మరియు కేరళ రాష్ట్రాల ప్రతినితులు, స్థానిక బ్రిటన్ ఎంపీ వీరేంద్ర శర్మ తో పాటు ఇతర ఎంపీ లు పాల్గొన్నారు.

తెలంగాణా రాష్ట్రం నుండి భువనగిరి ఎంపీ డాక్టర్ బూర నర్సయ్య గౌడ్ గారు, తెలంగాణా టూరిసం సెక్రెటరీ బుర్ర వెంకటేశం గారు, ఏం.డీ డాక్టర్ క్రిస్టీన మరియు తెలంగాణా ఎన్నారై ఫోరమ్ అద్యక్షుడు సిక్క చంద్రశేఖర్ గౌడ్ వ్యవస్థాపక సబ్యుడు – ఎన్నారై టి.ఆర్.యస్ అద్యక్షుడు అనిల్ కూర్మాచలం, అడ్వై సరి బోర్డ్ ఛైర్మన్ ఉదయ్ నగరాజు పాల్గొన్న వారిలో ఉన్నారు.

British South Indian Business Meet 2015  @ UK Parliament - London (1) British South Indian Business Meet 2015  @ UK Parliament - London (3) British South Indian Business Meet 2015  @ UK Parliament - London (4) British South Indian Business Meet 2015  @ UK Parliament - London (5) British South Indian Business Meet 2015  @ UK Parliament - London (6) British South Indian Business Meet 2015  @ UK Parliament - London (7)

బ్రిటన్ ఎంపీ మరియు BSICC పాట్రన్ వీరేంద్ర శర్మ ముందుగా స్వాగతో పన్యాసం ఇస్తూ భారత – యూకే దేశాల మద్య ఉన్న మంచి వ్యాపార అనుకూల విధానాల గురించి వివరించి, వాటిని సద్వినియోగం చేసుకోవాలని హాజరైయన అన్ని రాష్ట్రాల ప్రతినితులని కోరారు. ముక్యంగా తెలంగాణా ప్రతినుతులని ప్రశంశిస్తు ముఖ్య మంత్రి కే. సీ. ఆర్ గారు రాష్ట్రాన్ని ముందుకు తీసుకొని పోతున్న తీరును అభినందించారు.

భువనగిరి ఎంపీ డాక్టర్ బూర నర్సయ్య గౌడ్ గారు మాట్లాడుతూ … తెలంగాణా రాష్ట్ర విశిష్టత, ప్రస్తుత ఆర్థిక పరిస్థితీ , గణాంకాల తో సహా …. ఐ.టి ,ఫార్మా ,ఫుడ్ ప్రోసెసింగ్ ,ఇన్‌ఫ్రా స్ట్రక్చర్, పవర్,నీళ్ళు .. ప్రతి రంగం లో గత సంవత్సర కాలం లో రాష్ట్ర ప్రభుత్వం సాదించిన విజయాలు, తీసుకున్న నిర్ణయాల గురించి వివరించారు. ప్రపంచం లో ఎక్కడా లేనటువంటి సరికొత్త నూతన పారిశ్రామిక విదానం టీ. యస్ ఐ పాస్ (TSiPass)విధి విధానాల గురించి వివరించారు. ముక్యంగా తెలంగాణా ప్రభుత్వం – ముఖ్య మంత్రి కే. సీ. ఆర్ గారు అవినీతి లేని పెట్టుబడులకి అనుకూల నిర్ణయాలన్ని సభకు వివరించారు. రోజు రోజుకు అబివృద్డిలో హైదరాబాద్ దూసుకెళ్తున్న తీరు గురించి ప్రత్యేకంగా వివరించారు, నేడు రాష్ట్రం లో ప్రారంభమైన భారత దేశం లోనే అతి పెద్ద ఇంకూబేటార్ టి. హబ్ (T-HUB) గురించి ప్రత్యేకంగా వివరించారు .

నేడు భారత దేశం లో అన్ని రంగాల్లో పెట్టుబడులకి కేవలం తెలంగాణా ఒక్కటే అనువైన రాష్ట్రమని, కావున తెలంగాణా కి పెట్టుబడులతో వచ్చి కలిసి ఇద్దరం ఏదుగుదామని పిలుపున్నిచ్చారు. ఇంతటి మంచి కార్యక్రమాన్ని ఏర్పాటు చేసి ఆహ్వానించినందుకు తెలంగాణా ఎన్నారై ఫోరమ్ సంస్థను అభినందించారు.

తెలంగాణా టూరిసం సెక్రెటరీ బుర్ర వెంకటేశం గారు చక్కని ప్రెసెంటేషన్ తో పర్యాటాకంగా తెలంగాణా రాష్ట్ర విశిష్టత ను వివరించారు, రాష్ట్రం లో చూడవలసిన ప్రదేశాలని,చారిత్రాత్మక కట్టడాల గురించి, హైదరాబాద్ బిర్యానీ తో సహా రాష్ట్రం లో ప్రత్యేకంగా లబించే ఆహార పదార్థాల గురించి వివరించారు. హైదరాబాద్ లో ప్రాముక్యమైన ముత్యాల, బట్టలు, తెలంగాణా రాష్ట్రానికి ఉన్న ప్రత్యేక సంస్కృతి, వివిద రకాల పండగలు వాటి విశిష్టత ను వివరించారు. “Destination for All seasons and all reasons”అని చెప్పి, పర్యాటక రంగం లో పెట్టుబడులకు తెలంగాణా అనుకూలమైన రాష్ట్రమని ఆహ్వానించారు.

అలాగే ఈ కార్యక్రమం నిర్వహించిన తెలంగాణా ఎన్నారై ఫోరమ్ (TeNF) తెలంగాణా సంస్కృతిని ప్రపంచానికి చాటి చెప్తున్న తీరు గొప్పదని, రాష్ట్ర పునర్నిర్మాణం కోసం చేస్తున్న ప్రతి కార్యక్రమాన్ని అభినందిస్తూ. యూకే – యురోప్ లో “తెలంగాణా రాష్ట్ర ప్రబుత్వా పర్యాటక శాఖ ” అంబాసిడార్ గా తెలంగాణా ఎన్నారై ఫోరమ్ ఉంటుందని తెలిపారు. అలాగే నేడు చారిత్రాత్మక పార్లిమెంట్ ఆవరణ లో జరిగిన కార్యక్రమానికి తెలంగాణా రాష్ట్ర ప్రబుత్వా పర్యాటక శాఖను ఆహ్వానించినందుకు ప్రత్యేక కృతజ్ఞతలు తెలిపారు.

చివరిగా తెలంగాణా ఎన్నారై ఫోరమ్ అద్యక్షుడు సిక్క చంద్రశేఖర్ గౌడ్ మాట్లాడుతూ… BSICC యాజమాన్యానికి , ఎంపీ నర్సయ్య గౌడ్ గారికి, బుర్ర వెంకటేశం గారికి ప్రత్యేక కృతజ్ఞతలు తెలిపారు .

ఈ కార్యక్రమంలో BSICC కో – ఆర్డినేటర్ సుజిత్ నాయర్, తెలంగాణా ఎన్నారై ఫోరమ్ అద్యక్షుడు సిక్క చంద్రశేఖర్ గౌడ్ వ్యవస్థాపక సబ్యుడు – ఎన్నారై టి.ఆర్.యస్ అద్యక్షుడు అనిల్ కూర్మాచలం, అడ్వై సరి బోర్డ్ ఛైర్మన్ ఉదయ్ నగరాజు ,
తెలంగాణా ఇండస్ట్రీస్ ఫెడ్‌రేషన్ ప్రతినిధి విజయ్ చౌదరి, స్టెరింగ్ కమిటీ సబ్యుడు గణేశ్, ఉపాద్యక్షురాలు పవిత్ర రెడ్డి కంది, సబ్యులు రత్నాకర్, నవీన్ రెడ్డి పాల్గొన్న వారిలో ఉన్నారు.